Búginde jaǵdaıy bola tura alıment tóleýden jaltaratyndar kóbeıgen. Almaty qalasynyń prokýratýrasy tabys kózi bola tura, uzaq ýaqyt boıy óz balalaryn baǵý jónindegi mindetin oryndaýdan jaltarǵan azamattardy anyqtady, dep habarlaıdy Egemen.kz.
Prokýratýra, polısııa jáne ýákiletti organdardyń birlesken jumysynyń nátıjesinde Almatynyń eki turǵyny osyndaı jaýapkershilikke tartylǵan. Qylmystyq isterdiń materıaldary sotqa joldanyp, sot olardy kináli dep tanyǵan. Quzyrly oryn ókilderi mindetin qasaqana oryndamaǵan eki azamatqa bir jyl bas bostandyǵyn shekteý túrinde jaza taǵaıyndalǵanyn málimdedi.
Shaharda prokýrorlyq qadaǵalaý aktisi boıynsha kámeletke tolmaǵandardyń paıdasyna 80 mıllıonǵa jýyq teńge óndirilgen. Jumys barysynda alımentti qasaqana tólemegen 14 boryshker ákimshilik jaýapqa tartylypty. Jumyspen qamtý máselesin sheshýge járdemdesý úshin bos oryndar jármeńkesi ótip, 27 boryshker jumysqa turǵan.
Uzaq ýaqyttan beri óz bala-shaǵasyna tıisti kómek kórsetýden qalys qalǵan azamattardyń júrgizýshi kýáligin toqtata turý tıimdi nátıje kórsetken. Keıingi aılarda alıment tólemeıtinderge áser etý maqsatynda 24 júrgizýshi kýáliginiń qoldanylýy toqtatylypty.