Qasym-Jomart Toqaev Astana halyqaralyq forýmyna qatysý úshin Qazaqstanǵa jumys saparymen kelgen Soltústik Makedonııa Prezıdenti Gordana Sılıanovska-Davkovamen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy mártebeli meımanǵa iltıpat bildirip, onyń sapary Astana men Skope arasyndaǵy dıplomatııalyq qarym-qatynastardyń 30 jyldyǵy qarsańynda ótip jatqanyn atap ótti.
«Qazaqstan Soltústik Makedonııamen jan-jaqty seriktestikti damytýǵa múddeli jáne Sizdiń elińizdi Balqan túbegindegi senimdi áriptes retinde qarastyramyz», dedi Qasym-Jomart Toqaev.
Gordana Sılıanovska-Davkova Qazaqstanǵa shaqyrǵany úshin Prezıdentke alǵys aıtyp, ekijaqty yqpaldastyqty odan ári nyǵaıtýǵa zor áleýet bar ekenin jetkizdi.
Taraptar saýda-ekonomıkalyq, ınvestısııalyq jáne gýmanıtarlyq salalardaǵy yntymaqtastyqty egjeı-tegjeıli talqylady. Prezıdentter Qazaqstan-Soltústik Makedonııa qarym-qatynastarynyń barlyq salasyna tyń serpin berýge ýaǵdalasty. Ásirese, aýyl sharýashylyǵy, kólik-logıstıka, qarjy jáne týrızm sııaqty perspektıvti baǵyttarǵa nazar aýdaryldy. Memleketter basshylary Soltústik Makedonııanyń tanymal Alkaloid farmasevtıkalyq kompanııasynyń Almatyda ókildik ashý týraly sheshimin quptady.
Budan bólek, halyqaralyq kún tártibindegi ózekti máseleler týraly pikir almasty.