Qazirgi ýaqytta Baıanaýyl aýdanynda jalpy syıymdylyǵy 5 myń adamǵa arnalǵan 54 demalys úıi bar, dep habarlaıdy Egemen.kz.
«Jasybaı» demalys aımaǵynda týrıstik maýsymnyń resmı ashylýy 14 maýsymǵa josparlanǵan. Qazirgi ýaqytta Baıanaýyl aýdanynda jalpy syıymdylyǵy 5 myń adamǵa arnalǵan asatyn 54 demalys úıi bar. Jol boıyndaǵy qyzmet kórsetý nysandary jumys isteıdi. Jazǵy kezeńde «Jasybaı», «Sabyndykól» jáne «Toraıǵyr» demalys aımaqtarynda qosymsha tamaqtaný oryndary men saýda pavılondaryn ashý josparlanýda.
- 14 týrıstik marshrýt ázirlenip, iske qosylýǵa daıyn. Demalýshylardyń qaýipsizdigin qamtamasyz etetin barlyq qyzmetter ázirligi myǵym. Beınebaqylaý kameralary ornatylyp, sý aıdyndarynda qutqarý beketteri uıymdastyryldy., jol boıyndaǵy qyzmet kórsetý nysandary jumys isteıdi. Týrıstik ınfraqurylymdy odan ári damytý úshin shamamen 568 mln teńgege Sabyndykól kóliniń jaǵalaý aımaǵyn abattandyrý kózdelgen. Joba boıynsha kireberister, shaǵyn arhıtektýralyq formalar ornatylady jáne baqylaý alańdary uıymdastyrylady. Sondaı-aq, Baıanaýyl aýylynda 1 mlrd teńgege jýyq qarajatqa ólketaný mýzeıi ornalasatyn vızıt-ortalyqtyń qurylysy júrgizilýde. Bul bastamalar «Jasybaı» kóline túsetin júktemeni azaıtýǵa baǵyttalǵan,-dep habarlady aýdan ákimdiginen.
Toraıǵyr aýylyndaǵy aınalasynda qara qandyaǵash ósetin biregeı tabıǵı oryn - «Áýlıe bulaq» aýmaǵyn abattandyrýǵa erekshe nazar aýdarylýda. Onda jýynatyn kabınkalar, oryndar jabdyqtalyp, ekologııalyq týrızmdi damytý úshin qolaıly jaǵdaılar jasaldy.
Sondaı-aq, kelýshiler jıi baratyn «Kempirtas» jartasyna deıiángi joldy asfalttaý kózdelgen. Jartastyń janynda qola dáýiriniń arheologııalyq eskertkishteri - Andronov mádenıetiniń qorymdary men qonystary ornalasqan.