Medıa-mekteptiń tórtinshi túlekteri

Aýqymdy jobany «Qazaqstan» res­pýblıkalyq te­le­ra­dıokorporasııasy uıym­das­tyryp keledi. Medıamektep baǵdarlamasy elimizdiń jo­ǵary oqý oryndarynyń jýrnalıstıka, sıfrlyq medıany basqarý, qoǵammen baılanys, medıaóner, kıno jáne televızııa rejıssýrasy, medıakommýnıkasııa syndy mamandyqtar boıynsha bilim alyp jatqan stýdentterge arnalǵan. Bıyl 104 ótinim túsip, onyń ishinde 48 qatysýshy irikteýden ótti. Sonymen qatar óńirlik jo­ǵary oqý oryndarynan qa­byldanǵan 23 stýdent bilimdi onlaın formatta aldy.

– Bıyl medıamektepte eki birdeı erekshelik boldy. Biz tuńǵysh ret tek Astanadan ǵana emes, aımaqtardan da bilim alýshylar jınadyq. 14 ýnı­versıtetti qamtı al­dyq. Ekinshiden, biz tek qana kor­porasııamyzdyń ishin­degi myqty mamandardy ǵana emes, sizderge dáris berý úshin syrtta, naryqta ju­mys istep júrgen myqty me­dıa­mamandardy arnaıy sha­qyrdyq. Olar naryqtyq tájirıbelerimen bólise aldy, – dedi «Qazaqstan» RTRK» AQ basqarma tóraǵasy Lázzat Tanysbaı.

Medıamektepke iriktelgen stýdentter elimizdiń jetekshi oqý oryndarynyń ókilderi. Olardyń qatarynda: Ál-Fa­rabı atyndaǵy Qazaq ult­tyq ýnıversıteti, Aby­laı han atyndaǵy Qazaq halyq­aralyq qatynastar jáne álem tilderi ýnıversıteti, T.Júrgenov atyndaǵy Qazaq ulttyq óner akademııasy, L.N.Gýmılev atyn­daǵy Eýra­zııa ulttyq ýnı­versıteti, Nazarbaev ýnı­versıteti, M.Áýezov atyn­daǵy Ońtústik Qa­zaq­stan ýnıversıteti, Q.A.Iаsaýı atyn­daǵy Halyq­­ara­­lyq qazaq-tú­rik ýnı­ver­sıteti, E.A.Bóketov atyn­daǵy Qaraǵandy zert­teý ýnıver­sıteti, S.Toraıǵy­rov atyn­daǵy Pavlodar ýnı­versıteti jáne S.Amanjolov atyndaǵy Shyǵys Qazaqstan ýnıversıteti bar.

Aıta ketý kerek, medıamektep stýdentteri 7 aı boıy aqysyz negizde bilim aldy. Osy jyly oqýdy aıaq­taǵan stýdentterdi qosa alǵanda, jalpy 129 túlek medıa­mek­tepti támamdaǵan. Olardyń birqatary qazir «Qazaqstan» teleradıokorporasııasyna qa­rasty telearnalarda qyz­met atqaryp júr.

Aqerke QABDULKÁKIM,

L.N.Gýmılev atyndaǵy Eýrazııa ulttyq ýnıversıtetiniń stýdenti