Keıde ómirde úlken jetistik bastapqy maqsattan emes, soǵan aparar joldaǵy sátsizdikten týyndaıdy. Sonyń bir jarqyn mysaly – «YouTube» platformasy. Qazirgi tańda álemdegi eń iri beınejúkteý servısi retinde tanylǵanymen, bul jobanyń áýelgi ıdeıasy múldem basqa baǵytta bolǵan.
2005 jyly «YouTube» tanysý saıty retinde qurylǵan. Iаǵnı qoldanýshylar ózderi týraly shaǵyn beınejazba túsirip, júıege júktep, ómirlik serigin tabýǵa tıis bolatyn. Alaıda bul joba jurttyń nazaryn onsha aýdarta almady. Sodan avtorlar batyl sheshim qabyldap, baǵyttaryn túbegeıli ózgertedi. Naqtyraq aıtsaq, olar tanysý alańyn barshaǵa arnalǵan beınejúkteý platformasyna aınaldyrady. Osylaısha, YouTube-tiń jańa dáýiri bastalyp, ýaqyt óte kele álemdi jaýlaǵan platformaǵa aınaldy.