ASTANA. 14 aqpan. Hokkeıden Qazaqstannyń stýdentter arasyndaǵy erler quramasy Ispanııanyń Granada qalasynda qysqy Ýnıversıada sheńberinde Chehııa komandasymen jartylaı fınaldyq kezdesý ótkizip, 2:1 esebimen jeńiske jetti. Bul týraly egemen.kz tilshisi habarlady.
Kezdesý Astana ýaqytymen 03:40 mınýtta aıaqtaldy.
Osy jeńistiń nátıjesinde Sergeı Starygın jattyqtyratyn Qazaqstan stýdentter quramasy fınalǵa shyqty.
Matchtyń sońǵy kezeńine deıin jerlesterimiz 2:0 etip jeńip turdy. Esepti 13-mınýtta Alekseı Ansıferov ashty.29-mınýtta Pavel Zıatkov ekinshi shaıbany túsirdi. Chehtar úshinshi kezeńde Petr Skolýdtyń kúsh salýymen bir shaıbanyń qarymtasyn qaıtardy. Biraq qarsylastar budan artyqqa bara almady
Bizdiń jigitter aqtyq synda Reseı quramasymen kezdesedi. Reseılikterdiń Kanadamen oıynynyń negizgi ýaqyty 2:2 bolyp aıaıaqtaldy. Orystar tek býllıtten basym túsip, fınalǵa joldama aldy.
Match búgin, senbi kúni, 15 aqpanǵa qaraǵan túni ótedi.
Damır Qojamqul.