2015 jylǵy 10 naýryz, Astana, Úkimet Úıi
Bógetterdi deklarasııalanatyn bógetterge jatqyzý krıterıılerin aıqyndaıtyn qaǵıdalardy jáne Bógettiń qaýipsizdigi deklarasııasyn ázirleý qaǵıdalaryn bekitý týraly
2003 jylǵy 9 shildedegi Qazaqstan Respýblıkasynyń Sý kodeksi 36-babynyń 19-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Bógetterdi deklarasııalanatyn bógetterge jatqyzý krıterıılerin aıqyndaıtyn qaǵıdalar;
2) Bógettiń qaýipsizdigi deklarasııasyn ázirleý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.
Qazaqstan RespýblıkasyÚkimetiniń
2015 jylǵy 10 naýryzdaǵy №115 qaýlysymen bekitilgen
Bógetterdi deklarasııalanatyn bógetterge jatqyzý krıterıılerin
aıqyndaıtyn qaǵıdalar
1. Osy Bógetterdi deklarasııalanatyn bógetterge jatqyzý krıterıılerin aıqyndaıtyn qaǵıdalar (budan ári – Qaǵıdalar) 2003 jylǵy 9 shildedegi Qazaqstan Respýblıkasynyń Sý kodeksi 36-babynyń 19-1) tarmaqshasyna sáıkes ázirlendi jáne menshik nysandaryna qaramastan, bógetter qaýipsizdigi salasynda mindetti deklarasııalaýǵa jatatyn bógetterdi paıdalanatyn uıymdarǵa (budan ári – uıymdar) qoldanylady.
2.Osy Qaǵıdalarda paıdalanylatyn negizgi uǵymdar:
1) bóget – sýdyń deńgeıin kóterý jáne (nemese) sý qoımasyn jasaý úshin aǵyn sýdaǵy tejeýish gıdrotehnıkalyq qurylys;
2) bóget klasy – jobalaýdyń qoldanystaǵy normalarymen reglamentteletin, gıdrotehnıkalyq qurylystyń áleýmettik-ekonomıkalyq mańyzdylyǵy men jaýapkershiligi dárejesin aıqyndaıtyn jáne onyń avarııasy men paıdalaný buzýshylyqtarynyń zardaptary eskerile otyryp taǵaıyndalatyn sapalyq-sandyq sıpattama;
3) gıdrodınamıkalyq avarııa – gıdrotehnıkalyq qurylystaǵy sýdyń úlken jyldamdyqpen taralýymen baılanysty jáne tehnogendi tótenshe jaǵdaıdyń týyndaý qaýpin týdyratyn avarııa;
4) tegeýrin shebi – tegeýrindi (sý qysymyn) qabyldaıtyn sýtejeýish qurylystardyń jıyntyǵy.
3. Bógetter bıiktigine, irgetasyndaǵy jer qabatynyń tıpine, kólemine, áleýmettik-ekonomıkalyq jaýapkershiligine jáne yqtımal gıdrodınamıkalyq avarııalar saldaryna baılanysty 4 klasqa bólinedi:
1) I klass – qaýiptiligi asa joǵary bógetter;
2) II klass – qaýiptiligi joǵary bógetter;
3) III klass – qaýiptiligi orta bógetter;
4) IV klass – qaýiptiligi tómen bógetter.
4. Bógetterdi deklarasııalanatyn bógetterge jatqyzýdyń negizgi krıterııi osy Qaǵıdalarǵa qosymshaǵa sáıkes aıqyndalatyn olardyń klasy bolyp tabylady.
5. Menshik nysandaryna qaramastan I, II, III klasty bógetter deklarasııalanýǵa jatady.
6. Jobalaý uıymynyń qorytyndysyna sáıkes tótenshe jaǵdaılar kezinde joǵary qaýiptilik týyndatatyn IV klasty bógetter de deklarasııalanýǵa jatady.
7. Bógetter klasyn jobalaý qujattamasyn daıyndaý kezinde jobalaý uıymy belgileıdi jáne ol bóget parametrleriniń jáne (nemese) olardy paıdalaný sharttarynyń negizdelgen ózgeristeri bolǵan jaǵdaıda, qurylys, kúrdeli jóndeý, paıdalanýǵa berý, paıdalaný, rekonstrýksııalaý, qalpyna keltirý jáne konservasııalaý satylarynda ózgertilýi múmkin.
8. Bógettiń tegeýrin shebiniń quramyna kiretin negizgi qurylystardyń klasy odan joǵary klasqa jatqyzylǵan qurylys boıynsha belgilenýi tıis.
9. Bóget klasyn aıqyndaıtyn sharttar ózgergen jaǵdaıda, ol mindetti túrde deklarasııada kórsetile otyryp, ózgertilgen sharttarǵa sáıkes keltirilýi tıis.
Bógetterdi deklarasııalanatyn bógetterge jatqyzý krıterıılerin aıqyndaıtyn qaǵıdalarǵa qosymsha
Bıiktigine, irgetasyndaǵy jer qabatynyń tıpine baılanysty bógetter klastary
Qurylystar Jer qabatynyń tıpi Qurylystardyń klasy boıynsha bıiktigi, m
I II III IV
1. Jer qabaty materıaldarynan jasalǵan bógetter A 80-nen astam 50-den 80-ge deıin 20-dan 50-ge deıin 20-dan kem
B 65-ten astam 35-ten 65-ke deıin 15-ten 35-ke deıin 15-ten kem
V 50-nen astam 25-ten 50-ge deıin 15-ten 25-ke deıin 15-ten kem
2. Beton, temirbeton bógetter A 100-den astam 60-tan 100-ge deıin 25-ten 60-qa deıin 25-ten kem
B 50-den astam 25-ten 50-ge deıin 1-nan 25-ke deıin 10-nan kem
V 25-ten astam 20-dan 25-ke deıin 10-nan 20-ǵe deıin 10-nan kem
Eskertpeler.
Jer qabattary: A – tasty; B – qumaıt, qatty jáne jartylaı qatty kúıdegi iri synyqty jáne balshyqty; V – plastıkalyq kúıdegi sý sińirgen balshyqty.
Áleýmettik-ekonomıkalyq jaýapkershiligine jáne paıdalaný sharttaryna baılanysty bógetter klastary
Gıdrotehnıkalyq qurylys obektileri Qurylystar klasy
soorýjenıı
1. Sý qoımasynyń kólemi mynadaı bolǵan kezde gıdrotoraptardyń tejeýish qurylystary, mln. m3:
1000-nan astam
I
200-den 1000-ǵa deıin II
50-den 200-ge deıin III
50 jáne odan kem IV
2. Bógetke bekitip berilgen sýarý alańy, myń ga:
300-den astam I
100-den 300-ge deıin II
50-den 100-ge deıin III
50 jáne odan kem IV
3. Sý berýdiń jyldyq jıyntyq kólemi mynadaı bolǵan kezde jasalǵan bógettiń sý qoımasynan sý tartýdy júzege asyratyn sý tartý qurylystary, mln. m3:
200-den astam I
100-den 200-ge deıin II
20-dan 100-ge deıin III
20-dan kem IV
Yqtımal gıdrodınamıkalyq avarııalar saldaryna baılanysty bógetter klastary
Gıdrotehnıkalyq qurylystar klastary Gıdrotehnıkalyq qurylystardyń avarııasynan zardap shegýi múmkin turǵylyqty adamdar sany, adam Gıdroteh-nıkalyq qurylystardyń avarııasy kezinde tynys-tirshilik jaǵdaılary buzylýy múmkin adamdar sany, adam
Gıdrotehnı-kalyq qurylystardyń ıesi shegetin zalaldy esepke almaǵanda, yqtımal materıaldyq zalal mólsheri, mln. ETJ Gıdrotehnıkalyq qurylystardyń avarııasy nátıjesinde týyndaǵan tótenshe jaǵdaıdyń taralý aýmaǵynyń sıpattamasy
I 3000-nan astam 20 000-nan astam 50-den astam Qazaqstan Respýblıkasynyń eki jáne odan kóp oblysynyń sheginde
II 500-den 3000-ǵa deıin 2000-nan 20000-ǵa deıin 10-nan 50-ge deıin Qazaqstan Respýblıkasynyń bir oblysy aýmaǵynyń sheginde (eki jáne odan kóp aýdan)
III 500-ge deıin do 2000-ǵa deıin 1-den 10-ǵa deıin Bir aýdan aýmaǵynyń sheginde
IV 1-den kem Bir aýdan aýmaǵynyń sheginde
Eskertpe. Gıdrotehnıkalyq qurylystar avarııasynan bolatyn yqtımal zalal jobany ázirleý kezinde aıqyndalady.
ETJ – Jobany ázirleý kezinde qoldanysta bolǵan Qazaqstan Respýblıkasynyń zańnamasy boıynsha eń tómengi jalaqy.
Qazaqstan Respýblıkasy Úkimetiniń
2015 jylǵy 10 naýryzdaǵy №115 qaýlysymen bekitilgen
Bógettiń qaýipsizdigi deklarasııasyn ázirleý qaǵıdalary
1. Osy Bógettiń qaýipsizdigi deklarasııasyn ázirleý qaǵıdalary (budan ári – Qaǵıdalar) 2003 jylǵy 9 shildedegi Qazaqstan Respýblıkasynyń Sý kodeksi 36-babynyń 19-1) tarmaqshasyna sáıkes ázirlendi jáne bógetterdi paıdalanatyn barlyq menshik nysanyndaǵy uıymdarǵa (budan ári – uıymdar) qoldanylady, ári bógetterdiń qaýipsizdigi deklarasııasyn (budan ári – deklarasııa) ázirleýge baǵyttalǵan.
2. Deklarasııa sý qoryn paıdalaný jáne qorǵaý salasyndaǵy ýákiletti organ (budan ári – ýákiletti organ) bógetter qaýipsizdigi salasyndaǵy jumystardy júrgizý quqyǵyna attestattaǵan uıymda ótinim berýshi uıymnyń qarajaty esebinen saraptamadan ótýi tıis.
Bógetterdiń qaýipsizdigi salasynda jumystar júrgizý quqyǵyna attestattalǵan uıymdardyń tizbesi (budan ári – attestattalǵan uıym) ýákiletti organnyń ınternet-resýrsynda ornalastyrylady.
3. Tirkeý shıfrin berý úshin deklarasııa ýákiletti organda tirkelýi tıis.
Ýákiletti organnyń deklarasııany tirkeý merzimi qujattar toptamasyn tapsyrǵan kúnnen bastap kúntizbelik otyz kúnnen aspaıdy.
4. Bógettiń qaýipsizdigi deklarasııasyn ázirleýdi bógetti paıdalanatyn uıym derbes ne onyń qarajaty esebinen attestattalǵan bógde uıym júzege asyrady.
5. Deklarasııany attestattalǵan uıym ázirlegen jaǵdaıda, saraptamalyq qorytyndyny basqa attestattalǵan uıym beredi.
6. Deklarasııa mynalardy qamtıdy:
1) muqaba paraq;
2) bóget jáne ol ornalasqan aýdannyń tabıǵı jaǵdaılary, jobada, paıdalaný qaǵıdalarynda jáne ýákiletti memlekettik organdardyń nusqamalarynda kózdelgen qaýipsizdikti qamtamasyz etý jónindegi sharalar týraly derekterdi (mysaly, bógette ornatylǵan júk kótergish mehanızmderdi, órt sıgnalızasııasyn paıdalaný máseleleri boıynsha) qamtıtyn jalpy aqparat, paıdalanýshy uıym týraly negizgi málimetter;
3) deklarasııaǵa qosymsha retinde – jalpy syzbalar jıyntyǵy bar bóget pasporty: sý qoımasynyń jospary, gıdrotoraptyń bas jospary, tegeýrin shebiniń qurylystary, qorshaý jáne qorǵaý dambalary boıynsha josparlar men bólinister, sý basý aımaqtary, qorshaǵan ortaǵa zııandy áser etý aımaqtarynyń shekaralary esep-qısaptarynyń nátıjeleri bar ahýaldyq jospar;
4) qurylys jáne paıdalaný kezeńderinde bóget arqyly belgilengen kólemdegi tasqyn sýlardy jiberý jónindegi tehnıkalyq sheshimderdiń negizdemesi;
5) qaýiptiń yqtımal kózderin aıqyndaýdy jáne maqsatyna, kúrdelilik klasyna, konstrýksııa erekshelikterine, paıdalaný sharttaryna jáne qaýipsizdikke qoıylatyn arnaıy talaptarǵa baılanysty bógettiń qaýipsizdigin qamtamasyz etý erekshelikterin eskere otyryp, tótenshe jaǵdaılarǵa jol bermeýge jáne (nemese) saldaryn azaıtýǵa daıyndyǵyn qosa alǵanda, bógettiń qaýipsizdigin taldaý jáne baǵalaý;
6) beriktikke, turaqtylyqqa, sý ótkizbeýshilikke jáne uzaq merzimdilikke arnalǵan esep-qısap negizinde bóget qaýipsizdigi kórsetkishteriniń belgilengen jol beriletin mánderi;
7) bógetti tegeýringe qoıý kezeńindegi zattaı baıqaý derekteri;
8) jekelegen konstrýksııalyq elementter men tutastaı alǵanda, qurylys qaýipsizdigine arnalǵan qaýipsizdik krıterıılerin aıqyndaı otyryp, qurylystardyń tehnıkalyq jaı-kúıin zattaı baıqaý nátıjeleri, sondaı-aq qaýipsizdiktiń shekti jol beriletin kórsetkishterin naqtylaý boıynsha usynystar;
9) bógette bolǵan avarııalar jáne olardy joıý jónindegi sharalar týraly derekter;
10) obektilerdi kúzetý júıesi jáne olardyń qaýipsizdigin qamtamasyz etý týraly derekter;
11) paıdalanýshy uıymnyń bógettiń qaýipsizdigin qamtamasyz etýi jónindegi is-sharalar jospary;
12) bógettegi yqtımal jáne týyndaǵan avarııalyq jaǵdaılar týraly halyqty, ýákiletti organdy, azamattyq qorǵaý salasyndaǵy organdardy, jergilikti atqarýshy organdardy habardar etý;
13) deklaranttyń jekelegen toraptar men tutastaı alǵanda, bógettiń qaýipsizdigi deńgeıin, sondaı-aq qaýipsizdikti qamtamasyz etý boıynsha qajetti is-sharalar tizbesiniń jetkiliktiligin baǵalaýy;
14) qoldanystaǵy zańnamaǵa sáıkes qurylysy aıaqtalǵan nemese rekonstrýksııalanǵan, kúrdeli jóndeýden ótken, qalpyna keltirilgen bógetti paıdalanýǵa qabyldaý aktisi.
7. Bógetti paıdalanatyn uıymnyń basshysy (jobaǵa tapsyrys berýshi) ázirlengen deklarasııanyń attestattalǵan uıymda bógettiń qaýipsizdigi saraptamasynyń júrgizilýin qamtamasyz etedi.
8. Oń saraptamalyq qorytyndy alynǵan jaǵdaıda, deklarasııa bógetti paıdalanatyn uıymnyń basshysyna (jobaǵa tapsyrys berýshige) bekitýge engiziledi.
9. Teris saraptamalyq qorytyndy alynǵan jaǵdaıda, eskertýlerdi joıý úshin uıymǵa qaıtarylady jáne qaıtalama saraptamaǵa usynylady.
10. Bógetti rekonstrýksııalaý, kúrdeli jóndeý, qalpyna keltirý jáne (nemese) konservasııalaý jaǵdaılaryn qosa alǵanda, bógettiń qaýipsizdigin qamtamasyz etýge áser etetin sharttar (bóget ishinde jáne odan tys jerde) ózgertilgen jaǵdaıda, deklarasııa ózgertilýi tıis.
Deklarasııaǵa ózgerister engizilgen jaǵdaıda, ol ózgerister engizilgennen keıin úsh aıdan keshiktirilmeıtin merzimde qaıta saraptalyp, tirkelýi tıis.
11. Deklarasııa keminde bes jylda bir ret ázirlenedi, sondaı-aq merzimine qaramastan mynadaı jaǵdaılarda:
1) qurylystyń beriktigi deńgeıiniń tómendeý qaýpi týyndaǵan, tótenshe jaǵdaılardyń aldyn alý sharttary nasharlaǵan kezde;
2) bógetterdi rekonstrýksııalaýdan, kúrdeli jóndeýden, qalpyna keltirýden jáne (nemese) konservasııalaýdan keıin – tıisti qurylys-montajdaý jumystaryn qabyldaǵanǵa deıin;
3) obektini paıdalanýǵa berý aldynda;
4) paıdalanýdyń alǵashqy eki jylynan keıin;
5) gıdrotehnıkalyq qurylystardyń qaýipsizdigi salasyndaǵy normatıvtik quqyqtyq aktiler, qaǵıdalar men normalar ózgergen kezde;
6) avarııaly jaǵdaılardan keıin;
7) paıdalanýdan shyǵarylǵan kezde;
8) bógettiń klasyn aıqyndaıtyn sharttar ózgergen kezde túzetilýi tıis.
12. Salynyp jatqan bógetterge arnalǵan qaýipsizdik deklarasııasy qurylysty ýaqytsha jáne (nemese) turaqty paıdalanýǵa berýdiń belgilengen merzimine deıin ázirlenedi.
13. Deklarasııa memlekettik tilde jáne orys tilderinde eki danada qaǵaz jáne elektrondyq tasyǵyshtarda ázirlenip, resimdeledi jáne ony uıymnyń birinshi basshysy bekitedi.
14. Ýákiletti organda tirkeý úshin deklarasııa joba quramynda jáne (nemese) jeke qujatpen usynylady.
15.Bógetterdiń jáne deklarasııany tirkegen uıymdardyń tizbesi ýákiletti organnyń ınternet-resýrsynda ornalastyrylady.