«Jambyl – meniń jaı atym, Halyq – meniń shyn atym» dep jyr tıegin aǵytqan aqıyq aqyn Jambyl Jabaevtyń ádebı-memorıaldy mýzeıinde shyǵarmashylyǵy ǵana emes, tirshiliginde qoldanǵan turmystyq zattary men dombyra, shapandary kózdiń qarashyǵyndaı saqtaýly tur. Búginde mýzeı qorynda 3 310 jádiger bolsa, onyń 2 970-i negizgi qordy, 340-y ǵylymı kómekshi qordy quraıdy.
Aqyndar eline tabany tıip, Jambyl atanyń kók kúmbezdi mýzeıine kelgen qonaqtardyń aldymen kólikjaıda turǵan kók mashınaǵa kózi túseri anyq. «Men mundalap» turǵan kólik 1938 jyly Jambyl Jabaevtyń aqyndyq shyǵarmashylyǵynyń 75 jyldyǵy atalyp, sol kezde aqynǵa 12 bólmeli úı salynyp, Gorkıı avtomobıl zaýytynan 1932 jyly shyqqan «MK M1» markaly avtokóligi syıǵa berilgen.
«О́zine arnap salynǵan úıde ómiriniń sońyna deıin turǵan. Jambyl ata memorıaldy mýzeıiniń bes bólmesi eskertkish bólmeler, ıaǵnı kózi tirisinde qoldanǵan zattary, kıgen kıimderi, syılyqtary sol qalpy saqtalǵan. Al atamyzǵa berilgen avtokólik sol jyldary Qazaqstan boıynsha 6-aq adamda bolǵan eken. Jambyl atamyzdy Grıgorıı Bajen jáne týys inisi Naǵashybek Baısabaev degen eki júrgizýshisi alyp júrgen. Biri qalaǵa tasymaldasa, ekinshisi aýyldardy aralatqan. Alǵashynda mashınanyń túsi qarakók bolǵan. 2008 jyly qaıta jóndeýden ótip, túsi ózgertilip, júretin qalypqa keltirildi», – deıdi aqynnyń nemeresi ári mýzeıdiń dırektory Saltanat Jambylova.
Aqynnyń mol murasynan syr shertetin mýzeıde taıaǵy, kebisi, másisi men bórki, oıýly shapandary ilinip tur.
Almaty oblysy