14 jastaǵy aqtaýlyq shahmatshy elimizde alǵashqylardyń biri bolyp grossmeıster atandy.
Jas daryn Edgar Mamedov álemdik deńgeıdegi bedeldi dodada tabysqa jetip, elimizdiń shahmat tarıhyna óz atyn jazdy. Ol «Sharjah Masters International Chess Championship 2025 – A» týrnırinde sátti óner kórsetip, halyqaralyq grossmeıster (GM) ataǵyna qol jetkizdi. 14 jastaǵy Edgar buǵan deıin grossmeıster bolýǵa qajetti úsh normatıvti oryndap qoıǵan edi. Tek «FIDE» reıtınginde 2 500 upaı jınaý ǵana qalǵan bolatyn. Shardjadaǵy jarysta onyń nátıjesi bul mejeden asyp tústi. Osylaısha, ol Qazaqstan shahmat tarıhyndaǵy eń jas grossmeıster atanyp otyr.