ORAL. 6 mamyr. Oral qalasyndaǵy «Jedel medısınalyq járdem» stansasynda ADIS baǵdarlamasy boıynsha jasalǵan avtomattandarylǵan basqarý júıesiniń tusaýkeser rásimi ótti. Bul týraly egemen.kz tilshisi habarlady.
Stansa dırektory Sergeı Bekejanovtyń aıtýynsha, oblystaǵy barlyq jedel járdem júıesi túgeldeı derlik avtomattandyrylǵan. Bul ómirsheń joba, ásirese, jedeldik, statıstıkalyq jáne ákimshilik turǵysynan úlken jeńildikter ákelip otyr.
Osy tártippen ADIS baǵdarlamasy tek oblys ortalyǵynda ǵana emes, sonymen birge, aýdandar men aýyldarda da tıisti baqylaý júıesi men shuǵyl medısınalyq kómekti iske asyra alady. Sál sheginis jasar bolsaq, mundaı avtomattandyrylǵan júıe tuńǵysh ret 2010 jyly Oral qalasynda engizilgen. Odan keıingi kezde bul jańashyldyq oblys aýdandaryna da ornyǵa bastady. Munyń ózi joǵaryda aıtylǵandaı jedel járdem qyzmetiniń tıimdiligi men jedeldigin kóterdi. Onyń shaqyrylǵan jerge kelý ýaqytyn otyz paıyzǵa tezdetti. Sonymen qatar, avtomattandyrý esebinen turǵyndarǵa medısınalyq qyzmet kórsetý sapasy jaqsardy.
«Aqmola svıaz ınvest» JShS kompanııasy ókili Marat Aıgelevtiń aıtýynsha, atalǵan qondyrǵylar Reseıde jasalǵan. Onyń álemdik básekege tótep berý qabileti joǵary. Batys Qazaqstan oblysy avtomattandyrylǵan júıeni engizý men ornatý úshin 48 mıllıon teńge jumsady. Oral óńiri ázirge ADIS baǵdarlamasy oblys ortalyǵyna ǵana emes, sonymen birge, aýdandarǵa da engizilgen respýblıkadaǵy birinshi oblys bolyp otyr.
Temir Qusaıyn.
Derek, sýret: egemen.kz.