2014 jylǵy 4 qarasha, Astana qalasy
Sporttyq is-sharalardy ótkizý qaǵıdalaryn bekitý týraly
«Dene shynyqtyrý jáne sport týraly» 2014 jylǵy 3 shildedegi Qazaqstan Respýblıkasy Zańynyń 7-babynyn 26) jáne 27) tarmaqshalaryna sáıkes buıyramyn:
1. Qosa berilip otyrǵan Sporttyq Is-sharalardy ótkizý qaǵıdalary bekitilsin.
2. Qazaqstan Respýblıkasy Mádenıet jáne sport mınıstrliginiń Sport jáne dene shynyqtyrý isteri komıteti (E.B.Qanaǵatov) zańnamamen belgilengen tártipte:
1) osy buıryqty Qazaqstan Respýblıkasy Ádilet mınıstrligine memlekettik tirkeýge usynsyn;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden etkennen keıin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin.
3. «Sport túrlerinen jarystardyń qaǵıdalaryn bekitý týraly» Qazaqstan Respýblıkasy Sport jáne dene shynyqtyrý isteri agenttigi Tóraǵasynyń 2012 jylǵy 25 jeltoqsandaǵy № 446 buıryǵynyń (Normatıvtik quqyqtyq aktilerin memlekettik tirkeý tiziliminde № 8286 bolyp tirkelgen, 2013 jylǵy 21 tamyzdaǵy № 104 (28133) «Egemen Qazaqstan» gazetinde jarııalanǵan) kúshi joıyldy dep tanylsyn.
4. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri T.Q.Esentaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.Muhamedıuly.
Qazaqstan Respýblıkasy Mádenıet jáne sport mınıstriniń
2014 jylǵy 4 qarashadaǵy №74 buıryǵymen bekitilgen
Sporttyq is-sharalardy ótkizý qaǵıdalary
1. Jalpy erejeler
1. Osy Sporttyq is-sharalardy ótkizý qaǵıdalary (budan ári – Qaǵıda) sporttyq is-sharalardy ótkizý tártibin aıqyndaıdy.
2. Osy Qaǵıdada mynadaı uǵymdar paıdalanylady:
1) dene shynyqtyrý-sport uıymy – negizgi qyzmet túri retinde dene shynyqtyrý men sport salasyndaǵy qyzmetti júzege asyratyn zańdy tulǵa;
2) Qazaqstan Respýblıkasynyń chempıonaty – dene shynyqtyrý jáne sport salasyndaǵy ýákiletti organnyń (budan ári – ýákiletti organ) kelisimi boıynsha respýblıkalyq nemese óńirlik akkredıttelgen sport federasııasy ázirlegen jáne bekitken sporttyq jarys erejesiniń (reglamentiniń) negizinde keminde 5 oblys, Astana jáne Almaty qalalary sportshylarynyń (komandalarynyń) katysýymen etkiziletin respýblıkalyq sporttyq jarys;
3) keshendi sporttyq jarystar - sportshylar arasynda oryndardy bóletin jáne komandalar arasynda jalpy komandalyq esepti shyǵaratyn sportshylar nemese komandalar arasyndaǵy birneshe sport túrinen saıystar;
4) oblystyq, qalalyq, aýdandyq jarystar – dene shynyqtyrý jáne sport jónindegi tıisti jergilikti atqarýshy organdardyń sporttyq-buqaralyq is-sharalar kúntizbesine engizilgen jarystar;
5) oqý-jattyǵý jıyny – sportshylardyń sporttyq sheberligin jáne oqý-jattyǵý prosesiniń sapasyn arttyrý maqsatynda uıymdastyrylǵan ortalyqtandyrylǵan is-shara;
6) resmı halyqaralyq sporttyq jarystar – sport túrleri boıynsha halyqaralyq federasııalardyń buqaralyq-sporttyq is-sharalar kúntizbesine engizilgen halyqaralyq sporttyq jarystar;
7) respýblıkalyq sporttyq jarystar – ýákiletti organnyń sporttyq-buqaralyq is-sharalar kúntizbesine engizilgen sporttyq jarystar;
8) sporttyq jarys – uıymdastyrýshysy bekitken ereje (reglament) boıynsha ótkiziletin saıystyń úzdik qatysýshysyn anyqtaý maqsatynda sport túri (túrleri) boıynsha sportshylar nemese komandalar arasyndaǵy saıys;
9) sporttyq pán – erekshe belgileri bar jáne sporttyq jarystardyń bir nemese birneshe túrlerin (baǵdarlamalaryn) qamtıtyn sport túriniń bóligi;
10) sporttyq is-shara – sportshylardyń, jattyqtyrýshylardyń jáne dene shynyqtyrý men sport salasyndaǵy mamandardyń qatysýymen ótkiziletin sporttyq jarys, oqý-jattyǵý jıyny;
11) sporttyq is-sharany uıymdastyrýshy – osy qaǵıdamen jáne ózge de normatıvtik quqyqtyq aktilermen belgilengen talaptarǵa sáıkes sporttyq is-sharany uıymdastyrýdy jáne ótkizýdi júzege asyratyn zańdy tulǵa;
12) halyqaralyq sporttyq jarystar – sheteldik sportshylar (komandalar) katysatyn sportshylar (komandalar) arasyndaǵy sport túri boıynsha ótetin saıystar,
3. Sporttyq jarystar kelesideı bólinedi:
jeke – qorytyndylary boıynsha jekelegen sportshylardyń (jynysyna, jasyna, sporttyq biliktiligine qaraı) ıelengen oryndary anyqtalady;
jeke-komandalyq – qorytyndylary boıynsha sportshynyń jeke nátıjesinen basqa, komandalardyń ıelengen oryndary anyqtalady;
komandalyq – qorytyndylary boıynsha tek qatysýshy komandalardyń ıelengen oryndary anyqtalady;
irikteý, biliktilik (lısenzııalyq) – qorytyndylary boıynsha sport túrleri boıynsha qurama komandalar qalyptastyrylady jáne sportshylar men komandalardy sporttyq jarystardyń kelesi kezeńine jiberý júrgiziledi.
4. Sporttyq jarystarǵa katysýshylarǵa mynalar jatady:
sportshylar;
jattyqtyrýshylar;
tóreshiler;
janýarlar;
komandalardyń nemese sportshylar tobynyń basshylary jáne ókilderi; dene shynyqtyrý-sporttyq uıymdardyń basshylary; sporttyq jarystar erejesinde (reglamentinde) kózdelgen jaǵdaıda sporttyq jarysqa kyzmet kórsetý úshin qajetti basqa mamandar.
5. Halyqaralyq jarystarǵa katysatyn sportshylardyń, jattyqtyrýshylardyń, tóreshilerdiń jáne basqa mamandardyń sandyq quramyn sporttyq jarystar erejesiniń (reglamentiniń) negizinde ýákiletti organ bekitedi.
6. Sportshylarǵa praktıkalyq kómek kórsetý jáne olardyń biliktilik deńgeıi men sportshylardyń sheberligin budan ári damytý perspektıvalary týraly qajetti aqparat alý úshin delegasııa quramyna sporttyq medısına salasyndaǵy mamandar engiziledi.
Halyqaralyq Olımpıada Komıtetiniń (budan ári – HOK) talaptary boıynsha HOK ótkizetin nemese sonyń qoldaýymen ótetin sporttyq jarystardyń delegasııa quramyna Ulttyq Olımpıada Komıtetinin ókilderi, sonyń ishinde halyqaralyq dárejedegi tóreshiler de engiziledi.
7. Sporttyq jarystar erejesi (reglamenti) mynadaı bólimderdi qamtıdy:
1) sporttyq jarystardyń ataýy;
2) maqsattary men mindetteri;
3) sporttyq jarystyń ótkizilý orny men ýaqyty;
4) sporttyq jarysty ótkizý júıesi;
5) qatysýshy uıymdar;
6) sportshylardyń, jattyqtyrýshylardyń, tóreshilerdiń jáne basqa da qatysýshylardyń sandyq quramy;
7) sportshylardyń jynysy men týǵan jyly;
8) nátıjelerdi baǵalaý júıesi;
9) medısınalyq-sanıtarlyq qamtamasyz etý;
10) dopıngke qarsy qamtamasyz etý;
11) tóreshiler alqasynyń sandyq kuramy;
12) sporttyq jarysqa katysý úshin ótinimder berýdiń tártibi men merzimi;
13) katysýshylar men tóreshilerdi kabyldaý sharttary;
14) sporttyq jarystyń jeńimpazdary men júldegerlerdi marapattaý tártibi;
15) narazylyq kórsetý tártibi jáne ony qaraý;
16) sporttyq jarystarǵa qatysýshylar men tóreshilerdiń kelý jáne qaıtý kúnderi.
8. Sporttyq jarystyń erejesine (reglamentine) sporttyq jarys bastalǵanǵa deıin keminde 14 (on tórt) kúntizbelik kún buryn ózgerister nemese tolyqtyrýlar engizýge bolady.
2. Sporttyq jarystardy ótkizý
9. Halyqaralyq jáne respýblıkalyq sporttyq jarystar dene shynyqtyrý jáne sport salasyndaǵy ýákiletti organ (budan ári – ýákiletti organ) tanyǵan sport túrleri boıynsha ótkiziledi.
10. Qazaqstan Respýblıkasynyń aýmaǵynda halyqaralyq sporttyq jarystar halyqaralyq sport uıymdarynyń jáne dene shynyqtyrý men sport salasyndaǵy ýákiletti organnyń sheshimi boıynsha ótkiziledi.
Halyqaralyq sporttyq jarystar sporttyq-buqaralyq is-sharalardyń respýblıkalyq biryńǵaı kúntizbelik josparyna (budan ári - kúntizbelik jospar) engiziledi.
11. Qazaqstan Respýblıkasynyń aýmaǵynda halyqaralyq sporttyq jarystardy etkizýge ótinimderdi respýblıkalyq nemese óńirlik akkredıttelgen sport federasııalary halyqaralyq sport federasııalaryna ýákiletti organnyń kelisimi boıynsha olardy ótkizýdiń boljamdy kúnine deıin keminde 18 (on segiz) aı buryn beredi.
12. Qazaqstan Respýblıkasynyń aýmaǵyndaǵy keshendi halyqaralyq sporttyq jarystar halyqaralyq sporttyq uıymdardyń jáne ýákiletti organnyń sheshimi boıynsha ótkiziledi.
Keshendi halyqaralyq sporttyq jarystar kúntizbelik josparǵa engiziledi.
13. Respýblıkalyq sporttyq jarystar kúntizbelik josparǵa sáıkes sport túrleri boıynsha akkredıttelgen respýblıkalyq federasııalarmen kelisý boıynsha dene shynyqtyrý men sport salasyndaǵy ýákiletti organnyń sheshimi boıynsha ótkiziledi.
14. Keshendi respýblıkalyq sporttyq jarystar kúntizbelik josparǵa sáıkes ýákiletti organnyń sheshimi boıynsha ótkiziledi.
15. Oblystyq, qalalyq jáne aýdandyq sporttyq jarystar akkredıttelgen tıisti jergilikti sport federasııalarmen kelisý boıynsha sporttyq-buqaralyq is-sharalardyń óńirlik biryńǵaı kúntizbesine sáıkes jergilikti atqarýshy organdardyń (budan ári – jergilikti atqarýshy organ) sheshimi boıynsha ótkiziledi,
16. Qazaqstan Respýblıkasynyń chempıonatyna tıisti ákimshilik-aýmaqtyq birlikte Qazaqstan Respýblıkasynyń azamattary bolyp tabylatyn sportshylar (komandalar) katysady.
17. Halyqaralyq sporttyq jarystar dene shynyqtyrý jáne sport salasyndaǵy ýákiletti organmen kelisý boıynsha akkredıttelgen respýblıkalyq sport federasııalary ázirleıtin jáne bekitetin jarystar týraly erejelerge (reglamentterge) sáıkes ótkiziledi,
Respýblıkalyq nemese óńirlik akkredıttelgen sport federasııalary Halyqaralyq sporttyq jarystar erejesin (reglamentin) ýákiletti organǵa jarystyń ótkizilý kúnine deıin keminde 12 (on eki) aı buryn jiberedi.
18. Respýblıkalyq sporttyq jarystar akkredıttelgen respýblıkalyq federasııalarmen kelisý boıynsha dene shynyqtyrý jáne sport salasyndaǵy ýákiletti organ ázirleıtin jáne bekitetin jarystar týraly erejelerge (reglamentterge) sáıkes ótkiziledi.
Respýblıkalyq nemese óńirlik akkredıttelgen sport federasııalary Respýblıkalyq sporttyq jarystar erejesin (reglamentin) ýákiletti organǵa jarystyń ótkizilý kúnine deıin keminde 6 (alty) aı buryn jiberedi,
19. Oblystyq, qalalyq jáne aýdandyq sporttyq jarystardyń erejelerin (reglamentterin) akkredıttelgen jergilikti sport federasııalary jáne jergilikti atqarýshy organ birlesip bekitedi.
Jergilikti akkredıttelgen sport federasııalary Sporttyq jarystar erejesin (reglamentin) dene shynyqtyrý jáne sport jónindegi oblystyq, qalalyq jáne aýdandyq atqarýshy organdarǵa jarystyń ótkizilý kúnine deıin keminde 6 (alty) aı buryn jiberedi.
3. Qazaqstan Respýblıkasy Prezıdentiniń Kýbogy nemese júldesi úshin jarystardy ótkizý
20. Qazaqstan Respýblıkasy Prezıdentiniń júldesine nemese Kýbogyna jarystar ótkizýdi Qazaqstan Respýblıkasy Prezıdenti Ákimshiliginiń kelisimi boıynsha ýákiletti organ júzege asyrady.
21. Sport túrleri boıynsha akkredıttelgen sport federasııalary jergilikti atqarýshy organnyń kelisimi boıynsha sporttyq jarystardyń bastalýyna deıin keminde 3 (úsh) aı buryn ýákiletti organǵa mynadaı qujattardy usynady:
1) sport túriniń Qazaqstan Respýblıkasynda jáne halyqaralyq arenada damýynyń jaı-kúıi týraly aqparat;
2) sporttyq jarys erejesiniń (reglamentiniń) jobasy;
3) sporttyq jarysqa katysatyn oblystardyń (respýblıkalyq mańyzy bar qalanyń jáne astananyń) sany;
4) sporttyq jarysqa qatysýshylardyń (sportshylar, jattyqtyrýshylar, tóreshiler jáne basqa mamandar) jalpy sany;
5) katysýshy elder sany (halyqaralyq sporttyq jarystar úshin);
6) jergilikti atqarýshy organnyń qoldaý haty.
22. Ýákiletti organ sport túri boıynsha akkredıttelgen sport federasııasynyń Qazaqstan Respýblıkasy Prezıdentiniń Kýbogy nemese júldesi úshin sporttyq is-sharany etkizýge ótinimin Qazaqstan Respýblıkasy Prezıdent Ákimshiligine sporttyq is-sharany ótkizýdiń oryndylyǵy týraly óz qorytyndysyn qosa bere otyryp, sporttyq jarysty ótkizý týraly sheshim qabyldaý úshim joldaıdy.
4. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese olardyń júldesi úshin respýblıkalyq sporttyq jarystar ótkizý
23. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin respýblıkalyq sporttyq jarystar ótkizýdi ýákiletti organnyń nemese jergilikti atqarýshy organnyń kelisimi boıynsha akkredıttelgen respýblıkalyq sport federasııalary júzege asyrady.
24. Belgili sportshylardyń, jattyqtyrýshylardyń, sport nemese koǵam qaıratkerleriniń qurmetine respýblıkalyq sporttyq jarystar belgili sportshynyń, jattyqtyrýshynyń, sport nemese koǵam qaıratkerleriniń qaıtys bolǵan kúninen bastap 5 (bes) jyl ótken soń murageriniń (muragerleriniń) jazbasha túrde berilgen kelisimimen ótkiziledi.
25. Belgili sportshylardyń, jattyqtyrýshylardyń, sport nemese qoǵam qaıratkerleriniń júldesi úshin respýblıkalyq sporttyq jarystar belgili sportshylaryń, jattyqtyrýshylardyń, sport nemese koǵam qaıratkerleriniń jazbasha túrde berilgen kelisimimen ótkiziledi.
26. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin respýblıkalyq sporttyq jarystar dene shynyqtyrý jáne sport salasyna qosqan aýqymdy úlesi úshin taǵaıyndalady.
27. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin respýblıkalyq sporttyq jarystar ótkizý úshin akkredıttelgen sport federasııalary ýákiletti organǵa sporttyq jarys bastalǵanǵa deıin keminde 2 (eki) aı buryn mynadaı qujattardy usynady:
1) ómirbaıan (belgili sportshylar, jattyqtyrýshylar, sport jáne koǵam qaıratkerleri úshin);
2) sportshynyń sporttaǵy jetistigi, jattyqtyrýshynyń, sport nemese qoǵam qaıratkerleriniń dene shynyqtyrý jáne sport salasyna qosqan úlesi týraly aqparat;
3) belgili sportshylardyń, jattyqtyrýshylardyń, sport nemese koǵam qaıratkerleriniń nemese onyń murageriniń (muragerleriniń) jazbasha kelisimi;
4) akkredıttelgen sport federasııasynyń belgili sportshynyń, jattyqtyrýshynyń, sport jáne qoǵam qaıratkerleriniń dene shynyqtyrý jáne sport salasyn damytýǵa qosqan úlesin rastaıtyn haty;
5) belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese olardyń júldesi úshin sporttyq jarystardyń erejesi (reglamenti).
5. Belgili sportshylardyń, jattyqtyrýshylardyń, sport nemese koǵam qaıratkerleriniń qurmetine
nemese olardyń júldesi úshin oblystyq sporttyq jarystar ótkizý
28. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin oblystyq sporttyq jarystar dene shynyqtyrý jáne sport salasyna qosqan aýqymdy úlesi úshin taǵaıyndalady.
29. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin oblystyq sporttyq jarystar belgili sportshynyń, jattyqtyrýshynyń, sport nemese qoǵam qaıratkerleriniń qaıtys bolǵan kúninen bastap 5 jyl ótken soń murageriniń (muragerleriniń) jazbasha túrde berilgen kelisimimen ótkiziledi.
30. Belgili sportshylardyń, jattyqtyrýshylardyń, sport nemese qoǵam qaıratkerleriniń júldesi úshin oblystyq sporttyq jarystar belgili sportshylaryń, jattyqtyrýshylardyń, sport nemese qoǵam qaıratkerleriniń jazbasha túrde berilgen kelisimimen ótkiziledi.
31. Belgili sportshylardyń, jattyqtyrýshylardyń, sport nemese qoǵam qaıratkerleriniń qurmetine nemese júldesi úshin oblystyq sporttyq jarystar ótkizý úshin akkredıttelgen sport federasııalary jergilikti atqarýshy organǵa sporttyq jarys bastalǵanǵa deıin keminde 2 (eki) aı buryn mynadaı qujattardy usynady:
1) ómirbaıan (belgili sportshylar, jattyqtyrýshylar, sport jáne qoǵam qaıratkerleri úshin);
2) sportshynyń sporttaǵy jetistigi, jattyqtyrýshynyń, sport nemese qoǵam qaıratkerleriniń dene shynyqtyrý jáne sport salasyna qosqan úlesi týraly aqparat;
3) belgili sportshylardyń, jattyqtyrýshylardyń, sport nemese qoǵam qaıratkerleriniń nemese onyń murageriniń (muragerleriniń) jazbasha kelisimi;
4) akkredıttelgen sport federasııasynyń belgili sportshynyń, jattyqtyrýshynyń, sport jáne koǵam qaıratkerleriniń dene shynyqtyrý jáne sport salasyn damytýǵa qosqan úlesin rastaıtyn haty;
5) belgili sportshylardyń, jattyqtyrýshylardyń, sport nemese koǵam qaıratkerleriniń qurmetine nemese olardyń júldesi úshin sporttyq jarystardyń erejesi (reglamenti),
6. Oqý-jattyǵý jıyndaryn ótkizý
32. Oqý-jattyǵý jıyndary kúntizbelik josparǵa sáıkes ótkiziledi.
33. Kúntizbelik jospardyń negizinde dene shynyqtyrý-sport uıymdary osy Qaǵıdaǵa qosymshaǵa sáıkes nysan boıynsha sporttyq is-sharalardyń aǵymdaǵy jylǵa arnalǵan qarjylyq kúntizbesin ázirleıdi.
34. Negizgi baǵyty sportshylardy jalpy dene shynyqtyrý, taktıkalyq jáne sporttyq-tehnıkalyq daıarlaý bolyp tabylatyn oqý-jattyǵý jıyndary sporttyq jarystarǵa tikeleı daıarlaý jónindegi jıyndardyń sanatyna jatady.
35. Jalpy dene daıyndyǵy boıynsha, qalpyna keltirý, sportshylarǵa tekserý (keshendi tereńdetilgen medısınalyq) júrgizý jónindegi oqý-jattyǵý jıyndary arnaýly oqý-jattyǵý jıyndaryna jatady.
36. Oqý-jattyǵý jıyndaryn ótkizetin dene shynyqtyrý-sport uıymdary:
teorııalyq jáne praktıkalyq sabaqtardyń, tárbıe jumystarynyń, sportshylardy daıarlaýdyń derbes josparlaryn, keshendi ǵylymı top jumysynyń, medısınalyq qamtamasyz etýdiń jáne kaýipsizdikti saqtaý sharalarynyń josparyn bekitedi;
oqý-jattyǵý prosesin ótkizýdiń sapasyn, sportshynyń tehnıkalyq jáne taktıkalyq sheberligin jetildirýdi, tárbıe jumysyn uıymdastyrýdy, tártipti saqtaýdy, múliktiń saqtalýyn qadaǵalaıdy;
bilikti jattyqtyrýshylardy, dárigerlerdi, massajshylardy, sondaı-aq basqa da qajetti qyzmet kórsetýshi personaldardy anyqtaıdy;
tamaqpen, issapar shyǵystarymen, medıko-bıologııalyq jáne qalpyna keltirý quraldarymen jáne ádisterimen qamtamasyz etedi;
oqý-jattyǵý jıyndaryn tıisti ǵımarattarda ótkizýdi qamtamasyz etedi;
qajetti múkámmaldarmen jáne jabdyqtarmen qamtamasyz etedi;
sportshylardyń jáne oqý-jattyǵý jıyndaryna basqa katysýshylardyń derbes tizimderin bekitedi;
sanıtarlyq-gıgıenalyq, órt qaýipsizdigi, tehnıkalyq paıdalanýdyń erejeleri men normalarynyń saqtalýyn jáne oqý-jattyǵý jıynyndaǵy sportshylardyń qaýipsizdigin qamtamasyz etedi;
sport túrleri boıynsha Qazaqstan Respýblıkasynyń kurama komandalaryn (sport túrleri boıynsha ulttyq qurama komandalardy) resmı halyqaralyq sporttyq jarystarǵa daıarlaý kezinde sportshynyń ómiri men densaýlyǵyn saqtandyrýdy júzege asyrady.
37. Sporttyq jarystar men oqý-jattyǵý jıyndaryn ótkizýshi dene shynyqtyrý-sport uıymdary sporttyq is-sharalardyń qarjylyq kúntizbesine jáne kúntizbelik josparǵa sáıkes árbir sporttyq is-sharany jeke ótkizý úshin Qazaqstan Respýblıkasynyń zańnamasyna sáıkes smetany bekitedi.
Sporttyq is-sharalardy ótkizý qaǵıdalaryna qosymsha
Nysan
Sporttyq is-sharalardyń bir jylǵa arnalǵan qarjylyq kúntizbesi
№ r/s Is-sharanyń ataýy О́tkizilý orny men merzimi Qatysýshylardyń sany Tóreshiler shyǵys-tarynyń tólemi Jalaqyǵa aýdarý Tamaqtaný Dári-dármek, farmako-logııalyq quraldar
Sportshylar Jattyq-tyrýshylar, basqa qatysýshylar
1 2 3 4 5 6 7 8 9
Jalǵasy
Sporttyq is-sharalarǵa qatysý-shylarǵa júldeler, medaldar, gramotalar jáne dıplomdar, keńse taýarlary El ishindegi jolaqy, táýlikaqy, turý shyǵystary Elden tys jerdegi jolaqy, táýlikaqy, vızalar, júkaqy, kedendik jáne basqa shyǵystar (Qazaqstan Respýb-lıkasynan tys) Sport ǵıma-rattaryn jáne múkámma-lardy jalǵa alý Baı-lanys qyzmeti Avtokólikti jalǵa alý Baspaha-nalyq jáne ózge de shyǵystar (saqtandyrý jáne t.b.) О́kildik shyǵystar (ýákiletti organnyń sheshimi boıynsha) Barlyq shyǵystar teńgemen
10 11 12 13 14 15 16 17 18
Buıryq Qazaqstan Respýblıkasynyń Ádilet mınıstrliginde 2014 jylǵy 5 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine № 9930 bolyp engizildi.