BQO-da 30 mamyrǵa qaraǵan túni Bórli aýdanynyń Aqsaı qalasynda jergilikti janarmaı quıý beketteriniń birinde belgisiz er adam benzopılamen adamdar men kólikterge shabýyl jasaǵan, dep habarlaıdy Egemen.kz.
Oqıǵa Bórli aýdandyq polısııasynyń Instagram paraqshasynda jarııalanǵan. Beınejazbadan er adamnyń janyndaǵy adamdarǵa qaraı júgirip, shabýyldaǵanyn anyq kórýge bolady.
Polısııanyń málimetinshe, er adam jedel túrde ustalǵan. Keıin belgili bolǵandaı, ol psıhonevrologııalyq dıspanserde tirkeýde turǵan. Onyń áreketi óziniń de, ózgelerdiń de ómirine qaýipti dep baǵalanǵan.
Ustalǵannan keıin azamat ýaqytsha beıimdelý jáne detoksıkasııa ortalyǵyna jetkizilgen. Ol Oblystyq psıhıkalyq densaýlyq ortalyǵyna májbúrli túrde emdeýge jiberilýi múmkin.