«Qazgıdromet» RMK baspasóz qyzmeti 2025 jylǵy 31 mamyr men 2 maýsym aralyǵyna arnalǵan Qazaqstandaǵy aýa raıy boljamyn usyndy, dep habarlaıdy Egemen.kz.
Sınoptıkterdiń málimetinshe, atmosferalyq fronttardyń ótýine baılanysty respýblıkanyń kóp bóliginde aýa raıy turaqsyz bolady: jańbyr jaýyp, naızaǵaı oınaıdy, ekpindi jel soǵady, kúndiz keı jerlerde burshaq jaýýy múmkin.
«1 maýsym kúni kúndiz ońtústik-shyǵystaǵy taýly aımaqtarda, 2 maýsymda batysta jáne ońtústik-shyǵystyń taýly óńirlerinde qatty jańbyr jaýady. Ońtústik-batysta, ońtústikte jáne ońtústik-shyǵysta shańdy daýyl kútiledi. Batys pen soltústik-batysta aptap ystyqtyń beti qaıtady. Al qalǵan óńirlerde aýa temperatýrasy birtindep joǵarylap, ortalyq pen ońtústikte kúndiz 35-40 gradýsqa deıin aptap ystyq bolady», dep habarlady «Qazgıdromet».