Pavlodar jáne Aqtóbe oblystarynda 16 jastaǵy eki jasóspirim sýǵa batyp, qaza tapty, dep habarlaıdy Egemen.kz.
Aqtóbe oblysynda Shubarqudyq aýyly mańyndaǵy Oıyl ózeniniń boıynda 2009 jyly týǵan jasóspirim mal baǵyp júrgen kezinde sýǵa ketken. Balanyń janynda otbasy músheleri bolǵan. Oblystyq Tótenshe jaǵdaılar departamentiniń málimetinshe, bozbala janýarlardy sýaryp júrgen kezde ózi de sýǵa túsken jáne qaıta shyǵa almaǵan.
Pavlodar oblysynda da dál sol jastaǵy jasóspirim sýǵa ketip, denesi arna túbinen tabylǵan. Qaıǵyly jaǵdaı 2 maýsym kúni saǵat 17:00 shamasynda Ekibastuz qalasyna qarasty Aqkól aýylynda bolǵan.
Oblystyq TJD málimetinshe, jasóspirim sýǵa shomylýǵa tyıym salynǵan jerde sýǵa túsken. Qutqarýshylar 15:40-ta túsken habarlamadan keıin izdestirý jumystaryn júrgizip, sý astyna súńgý barysynda balanyń denesin tapqan.
Aıta keteıik, Pavlodar qalasynda 3 maýsymnan bastap shomylý maýsymy resmı túrde ashyldy. Qalada eki kommýnaldyq jaǵajaı daıyndalǵan.