Halyqaralyq balalardy qorǵaý kúni Kókshetaýda aq túıeniń qarny jarylǵan ádemi oqıǵa boldy. Qala irgesindegi Qopa kóliniń jaǵalaýyndaǵy balalardyń dem alýyna arnalǵan nysan paıdalanýǵa berildi, dep habarlaıdy Egemen.kz.
Qurylys jumysy segiz aıǵa sozyldy. Nysan úsh bólikke bólingen. Ortalyq serýen aımaǵynda velosıped joly, kóleńkeli oryndar, demalys alańdary qarastyrylǵan, shyǵys bóliginde pamp-trek, sport alańdary salynsa, batys jaq jaǵalaýda amfıteatr, sahna men dámhana bar. Jalpy uzyndyǵy 6,3 shaqyrym.
Ashylý saltanatynda jármeńke uıymdastyryldy. Tájikstan men Túrkistan oblysynan kelgen aýyl sharýashylyǵy ujymdary 330 tonnadan astam ónim usyndy. Dál osy ýaqytta jańadan salynǵan 12 shaqyrymdyq velosıped jolymen sherý bastaldy. Velosherýge oblys ákimi Marat Ahmetjanov ta qatysty.
Qýanyshqa bólengen balalarǵa tegin 1,5 tonna balmuzdaq taratyldy. Bul oqıǵa Qazaqstan rekordtar kitabyna engen ulttyq rekord retinde tirkeldi.
Shara sońynda elimizdiń estrada juldyzdarynyń qatysýymen qyzǵylyqty konsert uıymdastyryldy.
Kókshetaý