Atalǵan oblysta aýyr jáne asa aýyr qylmystar aıtarlyqtaı azaıǵan. Qylmystardyń ashylý deńgeıi 2,7%-ǵa artqan. Alaıda, polısııa departamentin árbir tórtinshi qylmystyń mas kúıinde jasalǵany alańdatyp otyr, dep habarlaıdy Egemen.kz.
Qostanaıda ótken halyqpen kezdesýde oblystyq polısııa departamenti bastyǵy Erlan Faızýllın 2025 jyldyń alǵashqy tórt aıyndaǵy jumys qorytyndysyn baıandady. Onyń aıtýynsha, 45 keliden astam esirtki tárkilenip, 8 zańsyz zerthana joıylǵan. 96 adam qylmystyq jaýapkershilikke tartylǵan. Otbasylyq zorlyq-zombylyq faktileri kóbeıgenimen, 2000-nan astam agressor jaýapqa tartylyp, qorǵaý sharalary qabyldanǵan. Jasóspirimder arasyndaǵy quqyq buzýshylyq 27%-ǵa tómendegen. Al jol-kólik oqıǵalary tórt ese ósip, 492 adam zardap shekken.
Polisia.kz habarlaýynsha oblysta 1000-nan asa beınekamera jumys isteıdi, jasandy ıntellekt pılottyq rejımde qoldanyla bastady. Atty polısııa jasaǵynyń ornyna endi drondar qoldanylady.