Albanııa astanasy Tıranada iri kólemde alaıaqtyq jasaǵany úshin halyqaralyq izdeýde júrgen qazaqstandyq azamat ustalyp, qamaýǵa alyndy. Bul týraly Ishki ister mınıstrligi habarlady, dep jazady Egemen.kz.
Kúdikti 2023 jyly Almaty qalasynda jeke mektep ashyp, joǵary oqý oryndaryna túsý úshin aqyly daıyndyq kýrstaryn usyný arqyly 10 azamatty aldap soqqan. Onyń azamattarǵa keltirgen jalpy shyǵyny 10,5 mln teńgeni quraǵan.IIM alaıaqtar oqytý kýrstaryn jarnamalaýda tómen baǵa, eksklıýzıv oqytý ádisteri men úzdik oqytýshylar quramyn usynatynyn eske salady.
Alaıaqtyq kýrstardyń negizgi belgileri lısenzııa men resmı tirkeýi bolmaıdy. Oqytýshylar men baǵdarlama týraly ashyq aqparatty usynbaıdy. Eshqandaı kelisimshartsyz tolyq tólem tóleýdi talap etedi. Táýelsiz platformalarda usynym men pikirleri kezdespeıdi.