Sıfrlyq damý, ınnovasııalar jáne aeroǵarysh ónerkásibi mınıstrligine IMEI-kodtardy verıfıkasııalaý júıesin engizýge baılanysty azamattardan jıi túsetin suraqtarǵa oraı, bastamanyń mánin ashyp kórsetý jáne negizgi máselelerge túsinikteme berý maqsatynda tikeleı efır ótti, dep jazady Egemen.kz.
Efır spıkerleri:
• Damır Seısembek – QR SDIAО́M Telekommýnıkasııalar komıtetiniń tóraǵasy• Oljas Kabenov – QR SDIAО́M Telekommýnıkasııalar komıteti tóraǵasynyń orynbasary• Dıas Tólegenov – QR SDIAО́M Telekommýnıkasııalar komıteti Symsyz baılanys jobalaryn monıtorıngteý jáne damytý basqarmasynyń basshysyTikeleı efırde qoıylǵan ózekti suraqtar men jaýaptar
IMEI-kodtardy verıfıkasııalaý ne úshin qajet?Naryqty sur aınalymnan tazartý, tutynýshylardy alaıaqtyqtan qorǵaý jáne memlekettik bıýdjet kirisin arttyrý maqsatynda. 25 naýryz ben 25 mamyr aralyǵynda, resmı portalada 12 mıllıonnan astam qurylǵy tirkeldi.Verıfıkasııa úshin kim tólem jasaıdy?Jeke tulǵalar úshin qyzmet tegin. Jeke paıdalaný maqsatynda jylyna nemese aıyna (elge baılanysty) 2 qurylǵyǵa deıin tegin tirkeýge bolady. Tólem – zańdy tulǵalar tarapynan, ıaǵnı satýshylardan alynady.
Qyzmetti nege memleket emes, jeke kompanııa kórsetedi?Jeke sektor júıeni bıýdjet shyǵynynsyz jedel iske asyrýǵa múmkindik beredi. Memleket tarapynan júıe tolyq baqylaýda.
1 AEK (3 932 teńge) kólemindegi qyzmet quny qalaı bólinedi?• 40% — lısenzııalar men tehnıkalyq qoldaý• 30% — salyqtar men áleýmettik aýdarymdar• 20% — jabdyq pen ıntegrasııalyq shyǵyndar• 10% — júıeni damytý jáne jańǵyrtý
Nege tarıfti memleket rettemeıdi?Bul – salyq nemese alym emes, tehnıkalyq qyzmet. Baǵa zańdy tulǵalar arasyndaǵy kelisimmen qalyptasady.
Júıege baqylaý qalaı júzege asyrylady?«Memlekettik radıojıilik qyzmeti» júıeniń jumysyn kúndelikti baqylap, aqparattyq qaýipsizdikke qatysty barlyq oqıǵalar boıynsha esep alyp otyrady. Sonymen qatar josparly jáne jospardan tys aýdıtter júrgiziledi.
Operator qalaı tańdaldy?Operator ashyq básekelestik negizinde, arnaıy biliktilik talaptaryna saı tańdaldy. Tańdaý prosesi jalǵasýda — naryq basqa operatorlarǵa da ashyq.