Pavlodar oblysynda Halyqaralyq esirtkimen kúres kúnine oraı is-shara ótti, dep habarlaıdy Polisia.kz.
Aqsý qalasynda esirtkige qarsy aılyq bastaldy. Ol esirtkini tutyný men olardyń zańsyz aınalymyna qarsy halyqaralyq kúnge oraılastyrylǵan. Is-shara merekelik formatta uıymdastyryldy. Qonaqtar konsert tamashalap, jasóspirimder balalar shyǵarmashylyǵy baıqaýyna qatysty. Baıqaýdyń maqsaty – balalar arasynda esirtkige qarsy kózqarasty qalyptastyrý.
Aksııa esirtki jarnamasy bar graffıtılerdi óshirý reıdterimen jalǵasty. Sondaı-aq turǵyndarǵa esirtkiniń zańsyz aınalymyna qatysýdyń quqyqtyq saldary túsindirildi.
Aılyq aıasynda profılaktıkalyq is-sharalar, jastarmen kezdesýler, dárister men reıdter ótkiziledi. Munyń barlyǵy qoǵamdy esirtki qaterinen qorǵaýǵa baǵyttalǵan.