Astanada úsh kúnge sozylǵan halyqaralyq jarys aıaqtaldy. «Arǵymaq» at sporty kesheninde ótken alamanda otandastarymyz tuǵyr bıiginen kórindi.
Jarys barysynda konkýr boıynsha Eýrazııa lıgasynyń álem kýbogi kezeńi (FEI CSI 1*-W), Atpen mánerlep júrýden halyqaralyq týrnırdiń (FEI CDI 1) jeńimpazdary anyqtaldy. Dodada Armenııa, Grýzııa, Qyrǵyzstan, О́zbekstan jáne elimizden 60-qa jýyq sportshy óner kórsetti. Jarysqa álem kýbogi men halyqaralyq týrnırlerdiń buǵan deıingi kezeńderinde jeńimpaz atanǵan kil úzdikter – Eýrazııa lıgasynyń eń myqty shabandozdary qatysty. Konkýrdan Eýrazııa lıgasynyń álem kýbogi kezeńi Astanada araǵa 10 jyl salyp qaıta ótkizilip otyr. Atpen mánerlep júrýden halyqaralyq týrnır alǵash ret uıymdastyryldy.
«Maxima Masters Eurasia» shaǵyn komandalyq kýboginde (konkýr 130 sm, 2 aınalym) 1-oryndy elimizdiń ulttyq quramasy enshiledi. 2-oryndy О́zbekstan quramasy qanjyǵalasa, 3-oryndy Qyrǵyzstan quramasy jeńip aldy. Gran-prı – Eýrazııa lıgasy álem kýboginiń kezeńinde (konkýr 160 sm) Qyrǵyzstannyń myqtysy Kamıl Sabıtov úzdik atansa, 2-oryndy da osy eldiń sportshysy Rınat Galımov ıelendi. О́zbekstandyq Hýrshıdbek Alımdjanov 3-oryndy oljalady.
Týrnır halyqaralyq erejege saı, joǵary deńgeıde ótti. Jabylý saltanatynda Týrızm jáne sport mınıstri Erbol Myrzabosynov jeńimpazdardy quttyqtaı kelip, mundaı halyqaralyq jarystyń mán-mańyzy zor ekenin aıtty.
At sporty federasııasynyń baspasóz qyzmeti О́zbekstan sportshylary Hýrshıdbek Alımdjanov, Bekzot Kýrbanov, Alına Shevsova, Alena Derevıankonyń, Qyrǵyzstannan kelgen Kamıl Sabıtov, Rınat Galımov, Ekaterına Karkavsevanyń, Reseı sportshysy Ksenııa Haırýlınanyń, Armenııa namysyn qorǵaǵan Vıgen Konstandıannyń, Grýzııadan kelgen Georgıı Tohnadze, elimizdiń Oleg Sokolenko, Nýrıla Turysbekova, Bekjan Baıjanuly, Daıana Onaeva, Raısa Sokolenko syndy sportshylardyń jetistikterin erekshe atap ótti.