Astanada 4 maýsymǵa qaraǵan túni «Jeti bóshke» turǵyn úı kesheninen órt shyqty. Jalpy órttiń aýmaǵy shamamen 250 sharshy metrdi quraıdy, dep habarlaıdy Egemen.kz.
Qalalyq ákimdiktiń málimetinshe, 6-dan 16-qabatqa deıingi aralyqta ornalasqan jylý oqshaýlaǵysh materıaldar men 14-qabattaǵy balkon otqa oranǵan.
TJM málimetinshe, órt saǵat 01:30-da oqshaýlanyp, 02:00-de tolyq sóndirilgen. Oqıǵa ornyna TJD-nyń 45 qyzmetkeri men 13 tehnıka birligi jumyldyrylǵan.
100-ge jýyq adam óz betimen evakýasııalanǵan, taǵy 15 adam arnaıy tehnıka kómegimen shyǵaryldy.