Astana men Almatyda jedel medısınalyq járdem feldsherlerine arnalǵan smart-beınejetondardy engizý boıynsha pılottyq joba bastaldy. Bul týraly QR Densaýlyq saqtaý mınıstrliginiń baspasóz qyzmeti habarlady, dep jazady Egemen.kz.
Bul joba medısına qyzmetkerleriniń shaqyrtý kezinde qaýipsiz jumys isteýin qamtamasyz etýge baǵyttalǵan. Ol shabýyl, janjal nemese agressııa jaǵdaılarynda olardyń kásibı mindetterin oryndaý barysynda zań aıasynda qorǵalýyna jol ashady.
Qazirgi ýaqytta júıe pılottyq rejımde eki qalanyń jedel járdem qyzmetinde synaqtan ótip jatyr. Beıne jetondar SOS batyrmasymen, geolokasııany anyqtaý fýnksııasymen jáne aýysym sońynda jazbalardy avtomatty túrde júktep alý múmkindigimen jabdyqtalǵan. Barlyq qurylǵylar qaýipsiz ortalyqtandyrylǵan basqarý júıesine qosylǵan. Joba iske qosylǵan sátten beri beınejazbalar 3000-nan astam jedel járdem brıgadasynda paıdalanyldy.
«Bizdiń dárigerlerdiń qaýipsizdigi - bizdiń sózsiz basymdyǵymyz. Biz jer betindegi naqty máselelerdi sheshetin sıfrlyq tehnologııalardy dáıekti túrde engizip jatyrmyz. Smart beınejetondar - bul medısına qyzmetkerleriniń qaýipsizdik deńgeıin arttyratyn jáne densaýlyq saqtaý júıesine degen senimdilikti nyǵaıtatyn praktıkalyq qural. Bul pılottyq joba tehnologııanyń adamdar — dárigerler men pasıentterdiń múddesi úshin qalaı tıimdi jumys isteı alatynyn kórsetedi», dedi Densaýlyq saqtaý vıse-mınıstri Erbol Ospanov.«Qazaqtelekom» AQ Basqarma tóraǵasy Baǵdat Mýsınniń aıtýynsha, smart-beınejetondar tek sıfrlyq sheshim emes. Bul qaýipsizdikti, ashyqtyqty jáne zańdy qorǵaýdy qamtamasyz etetin tehnologııa. Ol feldsherlerge ǵana emes, pasıentterge de kómek kásibı jáne barlyq quqyqtardy saqtaı otyryp kórsetiletinine senimdilik beredi, dep sanaıdy ol.
Júıeniń tolyqqandy jumys isteýi úshin jabdyqty baptaý aıaqtaldy jáne qyzmetkerlerge nusqaý berildi. IIM Jedel basqarý ortalyǵymen Integrasııa aıaqtaldy. SOS sıgnaly men beıne sıgnaly avtomatty túrde IIM júıesine beriledi.
Pılottyq kezeńniń qorytyndysy boıynsha tehnologııany elimizdiń basqa óńirlerine engizý múmkindigin qarastyrý josparlanýda. Joba Qazaqstan Respýblıkasy Densaýlyq saqtaý mınıstrliginiń qoldaýymen, «Qazaqtelekom» AQ jáne Samsung kompanııasynyń tehnıkalyq oryndaýymen iske asyrylýda.
Jergilikti atqarýshy organdardyń derekterine sáıkes, 2019-2023 jyldar aralyǵynda Qazaqstanda qyzmettik mindetterin atqarý kezinde 158 medısına qyzmetkeri zardap shekti. Onyń ishinde 2022 jyly — 46, 2023 jyly — 80, al 2024 jyly-12 shabýyl tirkeldi.