Búgin Sybaılas jemqorlyqqa qarsy is-qımyl agenttiginiń prevensııa qyzmetiniń asa mańyzdy ister jónindegi ofıseri-Sybaılas jemqorlyqqa qarsy qyzmettiń polkovnıgi Jazıra Jylqyshıeva «Egemen Qazaqstan» jáne «Kazahstanskaıa pravda» gazetteriniń ujymymen kezdesti, dep jazady Egemen.kz.
Jıyndy «Qazaq gazetteri» seriktestiginiń Bas dırektory Dıhan Qamzabekuly ashyp, qos gazet ujymyna spıkerdi tanystyryp, kezdesýdiń maqsaty qyzmetkerlerdiń quqyqtyq saýattylyǵyn arttyrý ekenin atap ótti.
О́z kezeginde sóz alǵan Jazıra Jaqsylyqqyzy Sybaılas jemqorlyq týraly jáne aldyn alý boıynsha qazirgi zańǵa sáıkes talaptardy jáne bolatyn ózgeristerdi baıandady.
Onyń aıtýynsha Prezıdent Jarlyǵymen bekitilgen Sybaılas jemqorlyqqa qarsy is-qımyl tujyrymdamasy boıynsha jumystardyń basym bóligi oryndalǵan. Zańnamaǵa ózgerister sol tujyrymdama aıasynda engizilip jatyr. Tujyrymdama boıynsha 6 bastama júzege asyrylǵan. Atap aıtqanda jemqorlardyń ashyq tizilimin engizý, múddeler qaqtyǵysyn retteý, para berý/usyný týraly ýádeni qylmystyq sıpatqa ıe etý, zańsyz syıaqy talap etýge baılanysty quqyq buzýshylyqtardy anyqtaý, jemqorlyqqa qarsy sharalar qabyldamaǵany úshin jaýapkershilik jáne zańdy tulǵalardyń jaýapkershiligin kúsheıtý baǵytynda jasalǵan jumystarǵa toqtaldy. Ár jyldary qabyldanǵan sybaılas jemqorlyqqa qarsy reformalar týraly da túsinik berdi.
«TMD elderi arasynda aldymen Qazaqstan 1998 jyly Sybaılas jemqorlyqqa qarsy zańnamany jetildirýdi qolǵa aldy. 2015 jylǵa deıin zańnama boıynsha jazalaý qylmystyq quqyqtyq sharalarynyń basymdyǵy bolsa, qazirgi ýaqytta aldyn alý basymyraq baǵytqa ıe» dedi J.Jaqsylyqqyzy.
Jazıra Jylqyshıeva sonymen qatar sybaılas jemqorlyqqa qarsy saıasat oqý-aǵartý, aldyn alý jáne jazalaý sekildi úsh baǵyttan turatynyn, jemqorlyq týraly habarlaǵan azamattarǵa kótermeleý syıaqysy beriletinin aıtty. Odan ári gazet tilshileriniń suraqtaryna tushymdy jaýap berdi.