Premer-mınıstr Oljas Bektenov Táýelsiz Memleketter Dostastyǵy uıymyna múshe elder úkimetteri basshylarynyń keńesine qatysý úshin Dýshanbe qalasyna bardy. Onda Belarýs Respýblıkasynyń Premer-mınıstri Aleksandr Týrchınmen ekijaqty kezdesý ótti.
Kezdesý barysynda Qazaqstan-Belarýs yntymaqtastyǵyn damytý máseleleri talqylanyp, úkimetaralyq ózara is-qımyldy kúsheıtý jáne joǵary deńgeıde qol jetkizilgen ýaǵdalastyqtardy naqty iske asyrýdy úılestirý qajettigi atap ótildi.
2024 jyly Qazaqstan men Belarýs arasyndaǵy taýar aınalymy 900 mln dollarǵa jetti, bıylǵy birinshi toqsan qorytyndysy boıynsha bul kórsetkish ótken jyldyń sáıkes kezeńimen salystyrǵanda 3,6%-ǵa artyp, 200 mln dollarǵa jýyqtady.
Taraptar yntymaqtastyqty jandandyrýǵa jáne isker toptar arasyndaǵy baılanystardy nyǵaıtýǵa járdemdesý týraly ýaǵdalastyqqa qol jetkizdi.
Sondaı-aq kezdesý sońynda TMD sheńberindegi ózara is-qımyl keleshegi, onyń ishinde turaqty ekonomıkalyq ósýdi qamtamasyz etý jáne eki el halqynyń ál-aýqatyn jaqsartý jónindegi birlesken bastamalar talqylandy.