Osy jyldyń basynan bastap Qazaqstanda kene ensefalıtiniń 17 jaǵdaıy tirkelgen. Densaýlyq saqtaý mınıstrligi bul ótken jyldyń sáıkes kezeńimen salystyrǵanda 11 jaǵdaıǵa kóp ekenin málimdedi, dep jazady Egemen.kz.
Vedomstvo kene shaǵý dereginiń artýyn kún raıynyń erte ysýymen baılanystyryp otyr. Kene ensefalıti dereginiń eń kóbi, 6 jaǵdaı Soltústik Qazaqstan oblysynda tirkelgen. Sondaı-aq, Aqmola oblysynda 4 adam zardap shekken, Shyǵys Qazaqstan oblysynda – 3, Almaty oblysynda – 2 adam, Pavlodar oblysynda jáne Almaty qalasynda bir-birden ınfeksııa jaǵdaıy anyqtalǵan.
Qoǵamdyq densaýlyq saqtaý salasynyń mamandary kenege qarsy óńdeýdiń kóktemgi týryn ótkizgen. Al 279 qolaısyz eldi mekenderdiń aınalasynda sanıtarııalyq qorǵaý aımaqtary qurylǵan.
Kene shaǵýynan saqtaný úshin mynadaı erejelerdi saqtańyz: ● deneniń jáne kıimniń ashyq jerlerin óńdeý úshin repellentterdi qoldanyńyz;● jabyq kıim kıińiz: uzyn jeńdi jeıdeler, shalbardy shulyqqa salyńyz, basyńyzǵa oramal baılańyz nemese bas kıim kıińiz;● kıim men deneni únemi tekserip otyryńyz;● eger kene tabylsa, dereý medısınalyq uıymǵa habarlasyńyz;● óz betinshe alyp tastaǵan kezde abaı bolyńyz: keneni birden tartpańyz, tumsyǵyn julyp alǵanda - ony tiken sııaqty alyp tastańyz, kene shaqqan jerdi ıodpen óńdeńiz, al qolyńyzdy muqııat jýyńyz.