AQSh pen Reseı prezıdentteriniń jeke kezdesýi ázirge kún tártibinde joq. Bul týraly Reseı Federasııasy Prezıdentiniń baspasóz hatshysy Dmıtrıı Peskov málimdedi, dep habarlaıdy Egemen.kz.
Dmıtrıı Peskovtiń aıtýynsha, Reseı Prezıdenti Vladımır Pýtın men AQSh eks-prezıdenti Donald Tramp 4 maýsymda telefon arqyly sóıleskenimen, jeke kezdesý týraly naqty ýaǵdalastyqqa kelgen joq. Alaıda eki el kóshbasshylary mundaı kezdesýdiń qajet ekenin túsinip otyr.
«Mundaı joǵary deńgeıdegi kezdesýge muqııat daıyndyq qajet. Ol daıyndyqtyń naqty ári salmaqty nátıjeleri bolýy tıis, sol kezde ǵana bul nátıjelerdi joǵary deńgeıde bekitýge bolady», dedi Peskov.
Telefon arqyly ótken áńgime barysynda taraptar birqatar halyqaralyq jáne ekijaqty ózekti máselelerdi talqylaǵan. Peskov bul dıalogty «konstrýktıvti» dep sıpattady.
Aıta keteıik, 4 maýsym kúni keshki ýaqytta Reseı men AQSh prezıdentteri Vladımır Pýtın men Donald Tramp telefon arqyly sóılesti. Kezdesýdiń naqty kúni men orny týraly kelissózder aldaǵy ýaqytta jalǵasýy múmkin.