Búgin Almaty oblysynyń qylmystyq ister jónindegi mamandandyrylǵan aýdanaralyq soty Sherzat Polatty óltirý, Nurǵanat Gaıpbaevty óltirýge oqtalý, buzaqylyq, urlyq jáne jasalǵan qylmys týraly habarlamaý aıyptary boıynsha 9 adamǵa qatysty úkim shyǵardy, dep habarlaıdy Egemen.kz.
Sot barlyq dáleldemelerdi zerdelep, sottalýshylardy taǵylǵan aıyptardyń barlyq baptary boıynsha kináli dep tanyp, olarǵa kelesi jazalardy taǵaıyndady.
Abzal Shynasylǵa, eki asa aýyr jáne bir aýyr qylmys, QK-niń 99-baby 2-bóliginiń 5), 9), 14) tarmaqtary (adam óltirý), 24-babynyń 3-bóligi – 99-baby 2-bóliginiń 1), 7), 9) tarmaqtary (adam óltirýge oqtalý), 293-babynyń 3-bóligi (buzaqylyq) jasaǵany úshin qylmystardyń jıyntyǵy boıynsha – 23 jyl bas bostandyǵynan aıyrý.Sakıev Ravılge, bir asa aýyr jáne bir aýyr qylmys, QK-niń 24-babynyń 3-bóligi – 99-baby 2-bóliginiń 7), 9) tarmaqtary (adam óltirýge oqtalý), 293-babynyń 3-bóligi (buzaqylyq) jasaǵany úshin qylmystardyń jıyntyǵy boıynsha túpkilikti – 20 jyl bas bostandyǵynan aıyrý.Toqtaýbaev Azamatqa, QK-niń 293-babynyń 3-bóligi (buzaqylyq), 188-babynyń 1-bóligi (urlyq) jasaǵany úshin, buryn jasaǵan aýyr qylmysy jáne ol boıynsha ótelmegen jazasy eskerilip – 15 jyl bas bostandyǵynan aıyrý.Ilıasov Nurqııasqa, QK-niń 293-babynyń 3-bóligi (buzaqylyq) jasaǵany úshin, burynǵy sottylyǵy jáne ol boıynsha ótelmegen jazasy eskerilip – 9 jyl bas bostandyǵynan aıyrý.Áskentaı Darhanǵa, Toqtaýbaev Nurbolǵa, Belgojaev Shyńǵysqa jáne Qalıahmet Dıdarǵa QK-niń 293-babynyń 3-bóligi (buzaqylyq) jasaǵany úshin zańmen kózdelgen barynsha qatań jaza – árqaısysyna 7 jyl bas bostandyǵynan aıyrý.Kámelet jasqa tolmaǵan Y.-ǵa QK-niń 434-baby (qylmys týraly habarlamaý) boıynsha – 1 jyl 6 aı bas bostandyǵynan aıyrý jazasy taǵaıyndaldy.
Sonymen qatar keltirilgen moraldyq shyǵynnyń esebine Shynasyldan 60 mln. teńge, Sakıevten – 30 mln. teńge, sondaı-aq qalǵan sottalǵandardan ortaq tártipte jáne Sakıevten – 30 mln. teńge óndiriledi. Kámelet jasqa tolmaǵan Y.-ǵa jábirlenýshiler azamattyq talap qoımaǵan.