Keıbir jańalyqtar – talaı jylǵy izdenistiń jemisi. Al keıbiri – múlde kezdeısoq, tipti oıda-joqta paıda bolady. Máselen, shaı qaltashasynyń tarıhy da osyndaı.
1904 jyly saýdager Tomas Sallıvan shaı japyraqtaryn ádettegideı qańyltyr qorapqa emes, shaǵyn jibek dorbalarǵa salyp, tapsyrys berýshilerge jibere bastaıdy. Bul oǵan arzan ári yńǵaıly kóringen. Biraq eń qyzyǵy – tapsyrys berýshiler muny jańa qoldaný ádisi dep qabyldaǵan. Olar qaltashany ashpaı, sol kúıi kesege ne sháınekke salyp, ústinen qaınaǵan sý quıa bastaıdy. Osylaısha, bul ádis kópke unap, keıin shaı óndirýshiler arnaıy qaǵaz qaltashalar jasap shyǵarady.