QR QM apparat basshysy polkovnık Erbol Qumarbekulynyń basshylyǵymen Qorǵanys mınıstrliginiń delegasııasy Ulybrıtanııada resmı saparmen boldy. Eki eldiń qorǵanys vedomstvolary arasyndaǵy áskerı yntymaqtastyq josparynyń qujatyna London qalasynda qol qoıyldy, dep habarlaıdy Egemen.kz.
Is-shara barysynda ekijaqty áskerı yntymaqtastyqtyń aǵymdaǵy máseleleri jáne ózara is-qımyldyń perspektıvalyq baǵyttary talqylandy. Ulybrıtanııanyń joǵary áskerı oqý oryndarynda Qazaqstannyń áskerı qyzmetshilerin bitimgerlik, tildik daıarlaý jáne oqytý negizgi baǵyttar bolyp tabylady.
«Is-shara qorytyndysy boıynsha taraptar QR Qorǵanys mınıstrligi men Ulybrıtanııa jáne Soltústik Irlandııa Birikken Koroldigi Qorǵanys mınıstrligi arasyndaǵy 2025–2026 jylǵa arnalǵan áskerı yntymaqtastyq josparyna qol qoıdy», dep habarlady QR Qorǵanys mınıstrliginiń baspasóz qyzmeti.