Memleket basshysy Qasym-Jomart Toqaev Bolgarııa Prezıdenti Rýmen Radevpen kezdesý barysynda mádenı-gýmanıtarlyq, bilim berý jáne óńiraralyq baılanystardy nyǵaıtý máseleleri keńinen talqylanǵanyn atap ótti, dep habarlaıdy Egemen.kz.
Prezıdenttiń aıtýynsha, taraptar atalǵan baǵyttar boıynsha yntymaqtastyqty tereńdetýge ýaǵdalasty.
«2018 jyly Sofııa qalasynda Astana kóshesi paıda boldy. Endi jaqyn arada elordada Sofııa atty kóshe ashylmaq», delingen habarlamada.
Memleket basshysy kelissózderdiń tabysty ótkenin jáne olardyń nátıjesinde birqatar mańyzdy qujattarǵa qol qoıylǵanyn jetkizdi. Osy arqyly Qazaqstan men Bolgarııa arasyndaǵy yntymaqtastyq jańa deńgeıge kóteriledi dep kútiledi.
О́z kezeginde Bolgarııa Prezıdenti Rýmen Radev Qazaqstanmen tyǵyz seriktestikti damytýǵa múddeli ekenin bildirip, eki el arasyndaǵy saıası, ekonomıkalyq jáne mádenı baılanystardy nyǵaıtýdyń mańyzdylyǵyn atap ótken.