Bas prokýratýra men Qarjylyq monıtorıng agenttiginiń qyzmetkerleri, QR Grýzııadaǵy Elshiliginiń kómegimen Qazaqstannyń Memlekettik shekarasy arqyly jalǵan banknottardy ótkizip, saqtaǵany úshin qylmystyq jaýaptylyqqa tartý maqsatynda el azamatyn Grýzııadan ekstradısııalady, dep jazady Egemen.kz.
Ol 2024 jyly Túrkııa Respýblıkasynan jalǵan banknottardy ákelip, Qazaqstan aýmaǵyna ótkizdi degen kúdikke ilingen. Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan. Osy jyldyń mamyrynda ol Grýzııa aýmaǵynda ustalyp, Bas prokýratýranyń suraýy boıynsha elge ekstradısııalandy. Qazirgi ýaqytta kúdikti tergeý ızolıatoryna qamalǵan. Kúdiktige osy qylmysty jasaǵany úshin múlkin tárkilep, bes jyldan on jylǵa deıin bas bostandyǵynan aıyrý túrindegi jaza kózdelgen.