Almaty qalasy Saıaly shaǵyn aýdanynda jeńil kólik pen avtokran soqtyǵysyp, úsh adam jaraqat alǵan, dep habarlaıdy Egemen.kz.
«Aldyn ala málimet boıynsha, apat saldarynan úsh adam zardap shekti. Olardyń biri kólik salonynda qysylyp qalǵan. Qutqarý qyzmetiniń mamandary oqıǵa ornyna saǵat 22:10-da jetip, jedel ári úılesimdi áreketiniń arqasynda 22:18-de barlyq zardap shekkenderdi kólikten shyǵaryp aldy. Bul jumystar arnaıy tehnıka qoldanbaı-aq oryndaldy», dep málimdedi 109 qutqarý qyzmetiniń baspasóz qyzmeti.
Jaraqat alǵandar jedel járdem brıgadalaryna tapsyrylyp, ártúrli aýrýhanalarǵa jetkizilgen.