Amerıkalyq «Nucleus Genomics» kompanııasy EKO arqyly bala súıýge nıetti ata-analarǵa arnalǵan jańa DNQ-taldaý baǵdarlamasyn usyndy. Tehnologııa birden 20 embrıonnyń genetıkalyq profılin saralap, 900-den astam tuqym qýalaıtyn aýrýdy anyqtaıdy.
Qurylǵy tipti bolashaq balanyń boıyn, kóz ben shashynyń túsin, «IQ» deńgeıin, psıhıkalyq buzylysqa beıimdiligin de boljaı alady. Nátıjeni ata-analarǵa genetık mamandar túsindirip beredi. Jobanyń negizin qalaýshy Kıan Sadegı júıeni týysqany genetıkalyq dertten qaza bolǵannan keıin oılap tapqan. Ol bul skrınıngti adam ómirin uzartýdyń jańa ádisi retinde usynyp otyr.