Jarys kúndeligi

Saýd Arabııasynyń astanasy – Er-Rııadta 2025 jyldyń kúz aılarynda alaýy tutanatyn VI Islam yntymaqtastyǵy oıyndarynyń delegasııa basshy­laryna arnalǵan semınar ótti. Jıyn barysynda uıym­dastyrýshylar álemniń ár qıy­ry­nan jınalǵan 50-den astam mem­leket sportshylarynyń basyn qosatyn dúbirli dodaǵa daıyn­dyq jumysy qazirgi kezde qa­laı júrip jatqany týraly to­lyq aqparat berdi. Semınar barysynda turaqtaý, kólikpen qamtamasyz etý, logıs­tıka, akkredıtasııa úderisi, medısınalyq jáne dopıngke qarsy qoldaý máselelerine erekshe nazar aýdaryldy. Osy jarystyń mańyzdy jańalyqtarynyń biri – oıyndar baǵdarlamasyna eki jańa sport túri – boks pen dýatlon engizildi.