ASTANA. 14 aqpan. Reseı prezıdenti Vladımır Pýtın Mınskidegi kelissóz barysynda ózin óte kúshti bitimger retinde tanytty. Bul týraly ýkraın prezıdenti ákimshiligi basshysynyń orynbasary Valerıı Chalyıdyń sózine silteme jasaǵan RT tilshisi habarlady.
«Normand tórttiginiń» músheleri – Pýtın, Olland, Merkel jáne Poroshenko kezdesýiniń qorytyndysy Mınsk kelisimine qol qoıýǵa jetkizdi.
Osyǵan baılanysty Ýkraına prezıdenti ákimshiligi basshysynyń orynbasary Valerıı Chalyı Reseı memleketiniń prezıdenti Vladımır Pýtındi «óte kúshti bitimger» dep atady. Buǵan naqty aıǵaq retinde Vladımır Vladımırovıchtiń «normand tórttiginiń» kelissózinde Donbastaǵy bitim týraly kelisimniń paıda bolýyna orasan zor eńbek sińirgenin alǵa tartady.
«Vladımır Pýtın bul qujattardyń árbir sózin elekten ótkizip otyrdy. Mundaǵy árbir sóz – sonyń kúrespen jeńip alǵan sózderi. Biz qalaı desek te, ol – óte kúshti bitimshi. О́te kúshti», - dedi Valerıı Chalyı ýkraınnyń Politnavigator portalynyń kýálik etýinshe.
Eske sala keteıik, Ýkraınanyń shyǵysyndaǵy shıelenisti retteý jónindegi kelissózge Reseı, GFR, Fransııa jáne Ýkraına lıderleri Vladımır Pýtın, Angela Merkel, Fransýa Olland jáne Petr Poroshenko qatysty. Aqpannyń 11-i kúni keshke bastalyp, 12-sinde tús aýa aıaqtalǵan bul kelissóz 16 saǵattan artyq ýaqytqa sozyldy.
«Normand tórttigi» kezdesýiniń taǵy bir naqty nátıjesi Donesk jáne Lýgansk halyq respýblıkalary basshylary men EYQU ókilderiniń Donbass terrıtorııasynda bitim jasasý týraly kelisimge qol qoıýlary boldy. Mınsk kelisiminiń basty tabystarynyń biri 15 aqpan kúni túnde, saǵat 00:00-den bastap eki jaqtyń atysty toqtatýlary, aýyr tehnıkalardy alyp ketýleri jáne demılıtızasııalyq aımaq jasaý, sol sııaqty «barlyq deńgeıdegi» tutqyndardy almasýlary men urys qımyldaryna qatysqandarǵa raqymshylyq berý týraly uıǵarymdar boldy.
Murat Aıtqoja.
Derek, sýret:russian.rt.