Balasynyń denesinen kógergen izder men jaraqattardy baıqaǵan anasy polısııaǵa aryz jazǵan. Keıin ata-analar beınebaqylaý jazbalaryn talap etip, onda tárbıeshiniń balaǵa dóreki, qatygez áreket jasaǵany anyq kóringen, dep habarlaıdy Egemen.kz.
Shymkent qalalyq polısııa departamentiniń habarlaýynsha, kúdikti ustalyp, ýaqytsha ustaý ızolıatoryna qamalǵan.
«Qalalyq turǵynnan túsken aryz negizinde kámeletke tolmaǵan balany urý faktisi boıynsha qylmystyq is qozǵaldy. Qazirgi tańda barlyq mán-jaılardy jan-jaqty anyqtaýǵa baǵyttalǵan tergeý amaldary júrgizilip jatyr. Kúdikti ýaqytsha ustaý ızolıatoryna qamaldy», delingen habarlamada.
Sondaı-aq mekeme ishki buıryqpen kómekshi tárbıeshini qyzmetinen bosatqanyn habarlady.
Qazirgi ýaqytta polısııa tarapynan kýágerlerden jaýap alý, beınebaqylaý kameralaryndaǵy jazbalardy tekserý sııaqty keshendi sharalar júrgizilip jatyr. Is boıynsha tergeý jumystary polısııa departamenti basshylyǵynyń erekshe baqylaýyna alynǵan.