Álem nazaryn ózine aýdarýdan jańylmaıtyn tehnologııa alyby Ilon Mask saıası málimdemesimen kópshiliktiń qyzý talqysyna taǵy da tústi. Bul joly ol AQSh prezıdenti Donald Trampqa qatysty aıtqan synı pikirlerine ashyq túrde ókinish bildirip, saıası sahnadaǵy kópjaqty qarym-qatynas pen jeke pozısııalardyń qaıshylyǵyn taǵy bir márte kórsetti, dep jazady Egemen.kz.
«О́tken aptada Prezıdentke qatysty jarııalaǵan keıbir jazbalaryma ókinemin. Olar shekten shyqqan eken», dep málimdedi Mask, H áleýmettik jelisindegi jazbasynda.
Buǵan deıin Ilon Mask AQSh vıse-prezıdenti Djeı Dı Venstiń jazbasyn bólisken bolatyn. Vens óz jazbasynda Bloomberg agenttiginiń aqparatyna súıenip, Mask úkimet salasyndaǵy jumysyna baılanysty óz dáýletiniń 25 paıyzynan aıyryldy dep atap ótken bolatyn.