Astanada BAQ qyzmetkerleriniń kúnine oraı buqaralyq aqparat quraldary men áleýmettik jelilerde elordanyń damýy týraly úzdik jarııalanymdar, reportajdar, sıýjetter baıqaýy jarııalandy. Bul týraly elorda ákimdiginiń resmı saıty habarlady, dep jazady Egemen.kz.
Baıqaýǵa Qazaqstannyń kez kelgen jýrnalısi qatysa alady. Konkýrs Astana qalasynyń Kommýnıkasııalar qyzmeti Ishki saıasat basqarmasynyń qoldaýymen uıymdastyrylady.
Baıqaýǵa 2025 jylǵy 1 qańtar men 2025 jylǵy 16 maýsym aralyǵynda memlekettik nemese orys tilinde jarııalanǵan, efırge shyqqan materıaldar qabyldanady. Qatysýshy tek bir nomınasııa boıynsha bir ǵana materıal usyna alady.
Baıqaý kelesi nomınasııalar boıynsha ótkiziledi:
1. «Úzdik jýrnalıst-sarapshy» – Assambleıanyń 30 jyldyǵy aıasynda elordadaǵy Qazaqstan halqy assambleıasynyń qyzmeti týraly baspa basylymdarda jarııalanǵan analıtıkalyq materıaldar; 2. «Úzdik sholýshy» – ınternet-basylymdarda jarııalanǵan, Astana qalasynyń áleýmettik-ekonomıkalyq damýyn sıpattaıtyn materıaldar, sondaı-aq zańdylyq, qoǵamdyq tártip, vandalızm, nashaqorlyq, qumar oıynǵa táýeldilik jáne elordadaǵy ózge de áleýmettik túıtkilderge qatysty máselelerdi qamtıtyn jarııalanymdar qarastyrylady; 3. «Úzdik radıoreportaj» – Astana týraly radıosıýjetter; 4. «Úzdik telesıýjet» – bul atalym qalanyń tynys-tirshiligine arnalǵan materıaldardy qamtýy tıis. Atap aıtqanda, ýrbanıstıka máseleleri, qoǵamdyq tártipti saqtaý, sondaı-aq vandalızm, nashaqorlyq, qumar oıynǵa táýeldilik jáne qalalyq ortadaǵy ózge de keleńsiz kórinisterdiń aldyn alý men olardy boldyrmaý taqyryptary qozǵalǵan telesıýjetter qarastyrylady. 5. «Úzdik mobılograf» – megapolıs ómirinen aerotúsirilim qoldanylǵan beınerolıkter; 6. «Úzdik fotoreportaj» – Astanadaǵy «Taza Qazaqstan» ekologııalyq bastamasynyń júzege asyrylýyn beıneleıtin fotosýretter; 7. «Jumysshy mamandyqtar jyly» arnaıy nomınasııasy – áleýmettik jelilerde jarııalanǵan úzdik materıaldar.
Facebook, Instagram jáne TikTok jelilerindegi tanymal toptar men pablıkter de qatysý úshin ótinim bere alady.
Nomınasııalar boıynsha jeńimpazdardy belgili jýrnalıster, medıa sarapshylar jáne salanyń bedeldi ókilderinen quralǵan konkýrstyq komıssııa anyqtaıdy.
Eń úzdik jumystar aqshalaı sertıfıkattarmen marapattalady. Birinshi oryn ıegerine – 1 000 000 teńge, ekinshi orynǵa – 700 000 teńge, úshinshi orynǵa – 500 000 teńge kóleminde júlde taǵaıyndalady.
О́tinimder 2025 jylǵy 16 maýsymǵa deıin qabyldanady.
Elektrondy poshta: baq.baikauy@gmail.com; Uıymdastyrý komıtetiniń baılanys nómiri: 8 778 603 90 94.