Brent markaly munaıdyń baǵasy Londondaǵy ICE bırjasynda 4 sáýirden beri alǵash ret bir barrel úshin 70 dollardan asty. Baǵadaǵy ózgeriske AQSh pen Qytaı arasyndaǵy kelissózderdiń nátıjesi sebep boldy, dep jazady Egemen.kz.
Sarapshylardyń aıtýynsha, qosymsha faktor retinde AQSh-taǵy ınflıasııalyq kórsetkishter de áser etken. AQSh aksııalar naryǵy mınýsqa ketti. Investorlar taıaýdaǵy naryqtyq ósimniń turaqtylyǵyna kúmándana bastady. S&P 500 ındeksi alty kúndik ósýdi toqtatty, Nasdaq úsh sessııada alǵashqy tómendeýdi kórsetti, al Dow úsh kúndik ósýdi aıaqtady. Naryq federaldyq bıýdjet pen qazynanyń tapshylyǵy tóńiregindegi ahýaldyń damýyn qadaǵalaýdy jalǵastyrýda.
Mamyr aıynda tutyný baǵalarynyń ındeksi jyldyq eseppen 2,4%-ǵa ósti. Sonymen qatar, AQSh Energetıka mınıstrligi 11 maýsymda kommersııalyq munaı qorynyń bir apta ishinde 3,64 mıllıon barrelge azaıǵanyn habarlady.
Qazaqstan úshin, munaı eksporttaýshy el retinde, munaı baǵasynyń ósýi – jaı ǵana jaqsy jańalyq emes, strategııalyq artyqshylyq ekeni belgili. 2025 jylǵa arnalǵan bıýdjette munaıdyń eseptik baǵasy bir barrel úshin 75 dollar deńgeıinde belgilengen.
Ekonomıst-qarjyger Almas Chýkınniń aıtýynda munaı baǵasynyń 1 dollarǵa tómendeýi eldiń qarjylyq jaǵdaıyna aıtarlyqtaı áser etedi jáne bul teris ózgeristerdiń saldary qazirgiden áldeqaıda aýyr bolýy múmkin. Kerisinshe, 1 dollarǵa kóterilýi bıýdjetke mıllıondarmen esepteletin qosymsha kiris.
Degenmen, bırjada 9 maýsymnan bastap WTI baǵa belgileýleri barreline 65 dollardan joǵary kóterildi, biraq salaǵa yqpal etý úshin olar onda biraz ýaqyt keshigýi tıis. Sarapshylar men naryq qatysýshylary munaı baǵasynyń aıtarlyqtaı ósýin ázirge kútýdiń qajeti joq degen pikirde.