Ahýaldy durys baǵamdaı alamyz ba?

О́ndirýshi sektordyń quldy­raýy aıasynda óńdeý ónerkásibi oń dınamıka kórsetti: esepti kezeńde ınvestısııa kólemi 34,3%-ǵa ósti.

Qarjy sarapshysy Andreı Chebotarevtiń aıtýynsha, bıýdjet qarjysyna degen shamadan tys beıimdelýshilik jaǵdaıdy oń baǵytqa qaraı burmaıdy. Iаǵnı naryq qatysýshylarynyń óz betterinshe uzaqmerzimdi jeke kapıtaldy tartýǵa qatysty yntasyn tómendetip jiberýi yqtımal. Sondaı-aq qatysýshylardyń yqy­lasy kemip, ınnovasııalyq belsendiligi de tómendeıdi.

«Sonymen qatar qatań aqsha-nesıe saıasaty jáne joǵary paıyz­dyq mólsherlemeler jaǵ­daıynda jeke qaryz alý múmkin­dikteri shekteýli bolyp qalady. Bul óz kezeginde qarjylandyrý qurylymyndaǵy teńsizdikti týdyrady. Qysqa merzimdik baǵdarmen, joǵary ınflıasııamen jáne ekonomıkalyq faktorlardyń kúshti qubyl­malylyǵymen sıpattalatyn qazirgi makroeko­nomıkalyq jaǵdaıda ınvestı­sııalyq bel­sendilik shektelgen kúıinde qa­lyp otyr. Josparlaý kók­jıek­teri tarylyp, syrtqy jáne ishki táýekelder joǵary deńgeıde bol­ǵanda bızneske stra­tegııalyq jos­parlardy qura­s­tyrý qıyn. Mundaı ortada uzaqmerzimdi ınvestısııalaý máselesi úlken belgisizdikke urynady. Sal­darynan kompanııalardyń óz resýrsyn óndiris aýqymyn keńeıtýge, tehnologııany jańar­týǵa jáne jańa naryqtardy ıgerýge qarjy baǵyttaýǵa qatysty daıyndyǵy da tómendep ketedi», deıdi sarapshy.

Andreı Chebotarevtiń pikirin­she, ósýdiń qazirgi modelin qalyp­tastyrýda memlekettik qoldaý erekshe ról atqarady, ol aýqymy men qamtylýyna qaramastan tabıǵaty turǵysynan ýaqytsha jáne kompensasııalyq sıpatta bolady.

«Ekonomıkalyq agentter­diń kópshiligi iskerlik belsen­diliktiń qazirgi keńeıýi kó­bine ekonomıkanyń ishki tu­raq­tylyǵynan góri fıskaldyq yntalandyrýǵa baılanysty ekenin jaqsy túsinip otyr. Bul turaqty bıznes úlgilerin qurýdyń ornyna qysqamerzimdi paıda tabýǵa baǵyttalǵan minez-qulyqty qalyptastyrady», deıdi qarjyger.