2025 jylǵy 1 maýsymdaǵy jaǵdaı boıynsha Qazaqstanda halyqty jumyspen qamtýǵa járdemdesýdiń belsendi sharalarymen 186,5 myń adam qamtyldy, al 190,6 myń qazaqstandyq naqty jumysqa ornalastyrylǵan, dep habarlaıdy Egemen.kz.
Eńbek jáne halyqty áleýmettik qorǵaý mınıstrligiń málimetinshe, sýbsıdııalanatyn jumys oryndaryna mansap ortalyqtary arqyly 116,2 myń adam jiberilgen. Onyń ishinde:
Áleýmettik jumys oryndarynda – 10,8 myń adam, Jastar praktıkasynda – 7,8 myń adam; Qoǵamdyq jumystarda – 83,3 myń adam; «Kúmis jas» jobasy aıasynda – 12,8 myń adam; «Alǵashqy jumys orny» jobasy boıynsha – 1,4 myń adam; «Urpaqtar kelisimsharty» jobasy sheńberinde – 59 adam jumyspen qamtyldy.Sonymen qatar eńbek naryǵynda suranysqa ıe daǵdylardy meńgertý maqsatynda onlaın oqytýǵa 42 myń jumyssyz tartylyp, onyń ishinde 39,4 myńy oqýdy aıaqtaǵan. Sondaı-aq «Bastaý Bıznes» jobasy aıasynda kásipkerlik negizderine oqytý baǵdarlamasyna 26,6 myń adam qatysyp, olardyń 14,4 myńy oqýdy sátti aıaqtap, sertıfıkattarǵa ıe bolǵan.
Mınıstrliktiń habarlaýynsha, jumys berýshilerdiń suranysy boıynsha kásiptik oqytýǵa 1 687 adam joldandy. Olardyń 89-y oqýdy aıaqtap, 83 adam nemese 93,3%-y jumysqa ornalasty. Qyzmet salasyn anyqtaýǵa kómektesý maqsatynda 176,4 myń adam kásiptik ortalyqtarda áleýmettik kásiptik baǵdarlaýdan ótip, keńes berý qyzmetterin aldy.
Budan bólek, azamattardy jumysqa ornalastyrý birneshe baǵyt boıynsha júzege asyrylatynyn jáne naqty jumysqa ornalasý mindetti zeınetaqy jarnalarynyń aýdarylýymen rastalatynyn atap ótken jón. Atap aıtqanda, 2025 jylǵy 1 maýsymdaǵy derek boıynsha:
Halyqty jumyspen qamtýǵa járdemdesýdiń belsendi sharalary sheńberinde – 100 myń adam; Elektrondyq eńbek bırjasynda jumys berýshiler usynǵan bos oryndar arqyly – 44,7 myń adam; Memleket basshysynyń «10 myń turǵynǵa 100 jumys orny» bastamasy aıasynda – 44,8 myń adam; Ortalyq memlekettik organdardyń jobalary arqyly – 1,1 myń adam jumysqa ornalasty.«Sonymen qatar, jańa bıznes-bastamalardy qoldaý maqsatynda 2025 jyly halyqtyń áleýmettik osal sanattaryna 400 AEK (1 572 800 teńge) kólemine deıin 9 myń grant berý josparlanǵan. Osyǵan baılanysty, 2025 jylǵy 21 mamyr men 3 maýsym aralyǵynda «Business.Enbek» portalynda grant alýǵa úmitkerlerden ótinim qabyldaýdyń birinshi legi júzege asyryldy. Nátıjesinde barlyǵy 11 479 ótinish tirkeldi», delingen habarlamada.