Qazaqstanda shaǵyn jáne orta bıznesti qoldaýdyń jańa tetigi – shaǵyn ónerkásiptik aımaqtar (ShО́A) belsendi túrde qurylyp jatyr. Bul bastama óńdeý ónerkásibin damytýdyń 2023–2029 jyldarǵa arnalǵan ulttyq strategııasy aıasynda júzege asyrylyp jatyr, dep habarlaıdy Egemen.kz.
О́nerkásip jáne qurylys mınıstrliginiń málimetinshe, jańa aımaqtar kásipkerlerge daıyn óndiristik ǵımarattardy jeńildetilgen sharttarmen usynýǵa baǵyttalǵan. Barlyq nysandar qajetti ınjenerlik ınfraqurylymmen qamtamasyz etilip, kólik qatynasy úshin qolaıly jerde ornalasady. Bul kásiporyndar úshin bastapqy kezeńdegi kedergilerdi azaıtyp, olardyń tıimdi jumys isteýine jaǵdaı jasaıdy.
«QazIndustry» Qazaqstandyq ındýstrııa jáne eksport ortalyǵy» AQ arnaıy ekonomıkalyq jáne ındýstrııalyq aımaqtardy damytý dıreksııasynyń derekteri boıynsha, 2025 jyldyń alǵashqy jartyjyldyǵynyń sońyna deıin Túrkistan oblysynda jalpy kólemi 19 myń sharshy metr bolatyn 12 shaǵyn óndiristik aımaq iske qosylady. Jyl sońyna deıin taǵy 19 osyndaı aımaq ashý josparlanyp otyr. Al 2026 jyldyń birinshi toqsanynda úsh aımaq paıdalanýǵa beriledi», delingen habarlamada.
Aıta keteıik, jańa baǵdarlama úsh baǵytta júzege asyrylady: jańa óndiristik ǵımarattar salý, bos turǵan óndiristik nysandardy qaıta jańǵyrtý (Ready built factory úlgisi boıynsha), jáne jumys istep turǵan kásiporyndardy keńeıtý.
Mınıstrliktiń habarlaýynsha, baǵdarlama básekege qabiletti óndiristerdi damytýǵa, jańa jumys oryndaryn ashýǵa jáne el ekonomıkasyndaǵy shaǵyn jáne orta bıznestiń úlesin arttyrýǵa baǵyttalǵan. Shaǵyn ónerkásiptik aımaqtar arnaıy ekonomıkalyq nemese ındýstrııalyq aımaqtardyń aýmaǵynda da, odan tys jerlerde de qurylýy múmkin. Bul kásipkerlerge óz isin bastaýǵa nemese keńeıtýge qosymsha múmkindik beredi.
«QazIndustry» Qazaqstandyq ındýstrııa jáne eksport ortalyǵynyń málimetinshe, ınvestorlar tarapynan barlyǵy elimizdiń segiz óńirinde 34 shaǵyn ónerkásiptik aımaq qurý jobasyn júzege asyrýda. Mundaı aımaqtar Astana men Shymkent qalalarynda, sondaı-aq Soltústik Qazaqstan, Qaraǵandy, Qostanaı, Jambyl, Qyzylorda jáne Túrkistan oblystarynda qurylmaq. Bul ónerkásiptik aımaqtardyń jalpy aýmaǵy shamamen 265 myń sharshy metrdi quraıdy», delingen habarlamada.
Baǵdarlamany júzege asyrý bızneske arnalǵan daıyn ǵımarattardyń tapshylyǵy máselesin sheshýge jol ashady. Shaǵyn ónerkásiptik aımaqtar ındýstrııalandyrý men ekonomıkanyń ósýine serpin berip, kásipkerlikti qoldaýdyń tıimdi tetigine aınalyp keledi.