Birer saǵat buryn Iran Izraıl aýmaǵyna 100-den astam dron jibergen. Bul týraly Izraıl qorǵanys kúshteriniń resmı ókili Effı Defrın málimdedi. Qazirgi ýaqytta áýege kóterilgen drondardy anyqtap, joıý jumystary júrgizilip jatyr, dep habarlaıdy Egemen.kz.
Reuters agenttiginiń habarlaýynsha, aımaqtaǵy shıelenistiń ýshyǵýyna baılanysty munaı baǵasy birden 9%-ǵa kóterilip, barreli 75 dollardan asyp túsken.
Izraılde qaýipsizdik sharalary kúsheıtilgen. El aýmaǵynda tótenshe jaǵdaı jarııalanyp, Tel-Avıv halyqaralyq áýejaıy ýaqytsha jabylǵan. Densaýlyq saqtaý júıesi de joǵary daıyndyq rejımine kóship, aýrýhanalarda qosymsha oryndar ázirlenip jatyr.
Jergilikti aqparat kózderiniń málimetinshe, turǵyndar azyq-túlik pen turmystyq qajettilikterdi jappaı satyp alyp jatyr. Saýda oryndarynda uzyn-sonar kezek paıda bolǵan.