Keshe Túrkistanda Ortalyq Azııa kardıologııasy salasyndaǵy eń iri ǵylymı oqıǵalardyń biri - Túrki memleketteri kardıologtarynyń II Quryltaıy jáne Qazaqstan kardıologtarynyń XVII Kongresi bastalǵan edi, dep habarlaıdy Egemen.kz.
S.Asfendııarov atyndaǵy QazUMÝ, Kardıologııa jáne ishki aýrýlar ǴZI, QR Kardıologtar qaýymdastyǵy, Qazaqstan júrek qyzmetiniń jetkiliksizdigi jáne ateroskleroz mamandarynyń qoǵamdary, Túrkistan oblysynyń ákimdigi uıymdastyrǵan halyqaralyq jıyn júrek-qan tamyrlary aýrýlaryn dıagnostıkalaý, emdeý, aldyn alýla otandyq jáne sheteldik kardıologııa mamandaryn biriktirip, bilimin kóterýdi, ózara árekettesý, tájirıbe almasyp kardıologııa salasyndaǵy ınnovasııalardy jarııalaýdy kózdeıdi.
Osynaý oqıǵa Qazaqstan, Túrkııa, О́zbekstan, Qyrǵyzstan, Ázerbaıjan, Túrikmenstan, Reseı, Belarýs, Germanııa, Italııa, Portýgalııa men Avstralııa memleketteriniń júzden astam kórnekti mamandaryn - jetekshi kardıologııalyq mektepter men ǵylymı ortalyqtardyń ókilderin biriktirdi.
Búgin jalǵasyn taýyp otyrǵan Forým baǵdarlamasy arterııalyq gıpertenzııadan bastap kardıogenetıkadaǵy jáne jasandy ıntellektti qoldanýdaǵy jańa tásilderge deıingi ózekti taqyryptardy qamtıdy.
Quryltaı delegattary men qonaqtaryna quttyqtaý sózinde Kardıologııa jáne ishki aýrýlar ǴZI Basqarma tóraǵasy Marat Pashımov:
«О́ńirlerimiz úshin mańyzdy máselelerge jáne túrki memleketteriniń kardıologııalyq baǵyttaǵy mamandary arasyndaǵy yntymaqtastyqty nyǵaıtýǵa erekshe nazar aýdaryldy. О́ıtkeni, júrek-qan tamyrlary aýrýlary bizdiń elderimizdegi jalpy ólim-jitim men syrqattanýshylyqtyń negizgi sebebi bolyp otyr jáne bizdiń birlesken mindetimiz - osy synaqpen kúresýdiń tıimdi joldaryn tabý bolǵandyqtan, ınstıtýtymyzdyń ǵalymdary men praktıkalyq dárigerleri belsendi túrde Kongress jumysyna qatysýda. KIAǴZI Qazaqstannyń kardıologııalyq, kardıohırýrgııalyq jáne terapııalyq qyzmetteriniń flagmany bolyp qalýda, onda elimizdiń barlyq óńirlerinen keletin júrek jáne basqa da ishki organdardyń aýyr jáne dıagnostıkalaýda kúrdeli aýrýlary bar pasıentterge eń zamanaýı medısınalyq kómektiń barlyq túrleri júzege asyrylýda. Tájirıbe almasý, ǵylymı dıalog jáne dostyq baılanystar bizdiń pasıentterimizdiń densaýlyǵyn jaqsartýǵa yqpal etetinine senimdimin, dedi.
Qazaqstan kardıologtary qaýymdastyǵynyń prezıdenti Sálim Berkinbaev:
«Mundaı kezdesýler ozyq ǵylymı derekter men klınıkalyq tájirıbemen almasý, júrek-qan tamyrlary aýrýlarymen kúreste odan ári ilgerileý úshin negiz bola alatyn jańa kásibı baılanystar, birlesken jobalar men bastamalar ornatý úshin múmkindikter beretinine senimdimiz», dedi.
Eki kún ishinde quryltaı otyrystary, ateroskleroz jáne dıslıpoproteınemııa, júrek qyzmeti jetkiliksizdigi, arıtmııa, jedel koronarlyq sındrom men mıokardtyń qurylymdyq aýrýlaryn endovaskýlıarlyq emdeý, kardıoonkologııa, balalar kardıologııasy jáne EHOKG boıynsha sessııalar ótýde.Sonymen birge jas ǵalymdardyń dástúrli baıqaýy ótip, qazaqstandyq joǵary oqý oryndary men ortalyqtardyń rezıdent - kardıologtary arasynda baıqaýy márege jetti.Kardıologııa jáne ishki aýrýlar ǴZI Basqarma tóraǵasy Marat Pashımov kardıologııa jáne kardıohırýrgııa salasyndaǵy qyzmeti úshin Qazaqstan kardıologtar qaýymdastyǵynyń «Aq júrek» syılyǵyna ıe boldy.