Almaty oblysynda jedel járdem kóliginiń qatysýymen qaıǵyly jol-kólik oqıǵasy tirkeldi. Oqıǵa 11 maýsym kúni Almaty – О́skemen tas jolynyń 75-shaqyrymynda oryn alǵan. Bul týraly oblystyq polısııa departamenti málimdedi, dep jazady Egemen.kz.
Resmı málimetke sáıkes, Hyundai H350 markaly jedel járdem kóliginiń júrgizýshisi belgilengen jolda jaıaý júrginshini qaǵyp ketken. Aýyr jaraqat alǵan jaıaý júrginshi oqıǵa ornynda kóz jumǵan.
Qazirgi tańda atalǵan fakti boıynsha qylmystyq is qozǵalyp, sotqa deıingi tergeý amaldary bastalǵan. Quqyq qorǵaý organdary jol apatynyń naqty mán-jaıyn anyqtap jatyr.