Irannyń Syrtqy ister mınıstrliginiń habarlaýynsha, Izraıldiń sońǵy úsh kúndegi áýe shabýyldarynyń saldarynan 70-ten astam áıel men bala kóz jumǵan, dep habarlaıdy Egemen.kz.
Iran Densaýlyq saqtaý mınıstrliginiń aqparatyna sáıkes, jalpy qurban bolǵandar sany 220 adamnan asyp, olardyń qatarynda 14 ıadrolyq fızık bar ekeni naqtylanǵan.
Aıta keteıik, shabýyl kezinde Islam revolıýsııasy saqshylar korpýsynyń barlaý qyzmetiniń basshysy Mýhammad Kazemı men onyń orynbasarynyń qaza tapqany rastalǵan.
Izraıl Qorǵanys armııasy (SAHAL) Irandaǵy 720-dan astam áskerı nysanǵa soqqy berilgenin, sonyń ishinde qarý-jaraq óndirisimen aınalysatyn obektiler nysanaǵa alynǵanyn habarlady. SAHAL baspasóz qyzmeti bul operasııanyń keń aýqymdy shabýyl tolqynynyń aıaqtalǵanyn málimdedi.
Aımaqtaǵy ahýal ýshyǵyp, halyqaralyq qaýymdastyq tarapynan alańdaýshylyq artyp otyr.