IýNESKO shtab-páterinde qazaqtyń uly kompozıtory, dırıjer jáne Halyq qaharmany Nurǵısa Tilendıevtiń 100 jyldyǵyna arnalǵan «Shabyt bastaýy: Nurǵısa Tilendıevtiń murasy» atty halyqaralyq kórme ashyldy, dep habarlaıdy Egemen.kz.
Kórmege Almaty qalasy Mýzeıler birlestiginiń qorynan 70-ke jýyq jádiger qoıylǵan. Ekspozısııaǵa kompozıtordyń partıtýralary, sırek kezdesetin fotosýretteri, jeke qoldanǵan zattary, sondaı-aq onyń shyǵarmashylyq jolyndaǵy erekshe belgige aınalǵan – Ahmet Jubanov syıǵa tartqan áıgili «Darıǵa dombyrasy» engizilgen.
Shara qazaq halqynyń baı mýzykalyq murasyn halyqaralyq deńgeıde nasıhattaýǵa, Nurǵısa Tilendıevtiń ónerdegi orny men álemdik mýzyka mádenıetine qosqan úlesin pash etýge baǵyttalǵan.
Aıta keteıik, atalǵan kórme 19 maýsymǵa deıin jalǵasady.