2025 jyldyń 1 maýsymyndaǵy jaǵdaı boıynsha Qazaqstanda tirkelgen avtokólikterdiń jalpy sany 6,3 mıllıonǵa jetti, dep habarlaıdy Egemen.kz Ulttyq statıstıka bıýrosyna silteme jasap.
Tek mamyr aıynda ǵana elde 128,1 myń kólik tirkelgen. Bul kórsetkish ótken jyldyń sáıkes kezeńimen salystyrǵanda 15 paıyzǵa kóp. Onyń ishinde 113 myńy jeńil avtokólikter. Sonymen qatar, mamyr aıynda 8 myń júk kóligi jáne 1,4 myń avtobýs jolǵa shyqqan.
Búgingi tańda Qazaqstan halqynyń sany 20,33 mıllıon adamdy quraıdy. Demek, ár úshinshi qazaqstandyqtyń atyna kólik tirkelgen.Ekologııalyq kólikke degen qyzyǵýshylyq artyp keledi. 2024 jyldyń mamyrymen salystyrǵanda elektromobılder sany 66,9 paıyzǵa ósken.
Sonymen qatar, janarmaımen júretin kólikter de áli de suranysqa ıe:
Benzınmen júretin kólikter – +15,3%; Dızelmen – +13,9%; • gazben – +36,2%; Aralas otynmen – +9,3%.Tórt aıda jarty mıllıonnan astam kólik tirkelgen. 2025 jyldyń 1 aqpanyna deıingi esep boıynsha eldegi kólik sany bir jyl ishinde 7,6 paıyzǵa ósken. Bul kezeńde 5 775 499 kólik tirkelgen:
Jeńil kólikter – 5 068 227; Júk kólikteri – 570 779; Avtobýstar – 116 493.Iаǵnı, tórt aı ishinde el avtoparki 526 987 kólikpen tolyqqan. Almaty qalasy kólik sany boıynsha byltyr-aq shektik deńgeıge jetken. Qala joldaryna kún saıyn 1 mıllıonǵa deıin avtokólik shyǵady, olardyń 600 myńy – qalada tirkelgen, al 400 myńy – oblystan keledi.
Sarapshylar bul máseleni sheshý úshin aqyly avtoturaqtardy keńeıtip, qala ishindegi qozǵalysty shekteýdi usynǵan. Bul sharalar joldaǵy júktemeni azaıtyp, ekologııalyq jaǵdaıdy jaqsartýǵa kómektesýi kerek edi. Alaıda, avtokólik sany kún sanap artyp keledi.