«Qytaı – Ortalyq Azııa» ekinshi ındýstrııalyq-ınvestısııalyq yntymaqtastyq forýmy aıasynda QR Kólik mınıstrligi men Qytaıdyń CITIC Group korporasııasy arasynda ózara yntymaqtastyq týraly Memorandýmǵa qol qoıyldy, dep habarlaıdy Egemen.kz.
Atalǵan qujat boıynsha Astanany eldiń batys óńirlerimen jalǵaıtyn strategııalyq mańyzy bar «Ortalyq– Batys» jobasyn birlese iske asyrý kózdelgen.
Memleket basshysynyń tapsyrmasyna sáıkes qolǵa alynǵan «Ortalyq-Batys» jobasy – Qazaqstannyń kólik salasyndaǵy basty bastamalarynyń biri, joba – óńirler arasyndaǵy baılanysty kúsheıtip, elimizdiń tranzıttik áleýetin arttyrýǵa, sondaı-aq Transkaspıı halyqaralyq kólik baǵytyn odan ári damytýǵa baǵyttalǵan.Buǵan deıin taraptar mamyr aıynda Qytaıda kelissóz ótkizip, yntymaqtastyq pen jobany birlese iske asyrý sharttaryn talqylady.