Ortalyq Azııa óńirlik ekonomıkalyq yntymaqtastyǵy (OAО́EY) joǵary laýazymdy tulǵalarynyń otyrysy sheńberinde 17 maýsymda Qyrǵyz Respýblıkasynyń Sholpan-Ata qalasynda Ortalyq Azııa elderiniń memlekettik-jekeshelik áriptestik (MJÁ) salasyndaǵy ýákiletti organdarynyń qatysýymen óńirlik forým ótti. Atalǵan forým – MJÁ tetikterin damytý, qatysýshy elderdiń osy saladaǵy tájirıbe almasý, ekonomıkalyq ósimdi yntalandyrý, ınfraqurylymdyq jobalardy iske asyrýda birlesken bastamalardy ilgeriletý jáne MJÁ salasyndaǵy ózara tıimdi yntymaqtastyqty nyǵaıtýdy kózdeıdi, dep jazady Egemen.kz.
Forýmǵa Ázerbaıjan, Grýzııa, Qazaqstan, Qyrǵyz Respýblıkasy, QHR, Mońǵolııa, Pákistan, Tájikstan, Túrikmenstan, О́zbekstan elderiniń ókilderi qatysyp, memlekettik-jeke menshik áriptestik salasyndaǵy quqyqtyq bazany jetildirý, MJÁ boıynsha oqytý, halyqaralyq kelisimderdi damytý men transshekaralyq jobalardy iske asyrý máselelerin talqylady.
MJÁ boıynsha transshekaralyq jobalarǵa arnalǵan sessııada «Qazaqstandyq memlekettik-jeke menshik áriptestik ortalyǵy» AQ basqarma tóraǵasynyń orynbasary Aıdos Kóbetov baıandama jasap, Qazaqstannyń negizgi jetistikterin, sonyń ishinde sátti iske asyrylǵan jobalardy, MJÁ salasyndaǵy júrgizilgen zańnamalyq reformalardy, sondaı-aq halyqaralyq qarjy ınstıtýttarymen birlesip iske asyrylatyn erekshe mańyzy bar josparlanǵan jobalardy tanystyrdy.
Forýmda talqylanǵan negizgi bastamalardyń biri – Almaty men Ystyqkól arasyn jalǵaıtyn jańa avtojol jobasy boldy. Jobanyń aldyn ala quny shamamen 150 mln AQSh dollaryn quraıdy. Bul kólik dálizi Qazaqstan men Qyrǵyzstan arasyndaǵy transshekaralyq yntymaqtastyqty nyǵaıtýǵa, kólik qoljetimdiligin arttyrýǵa ári jeke ınvestısııa tartýdyń jańa múmkindikterin ashýǵa baǵyttalǵan. Jańa jol qurylysy óńirlik deńgeıde memlekettik-jekemenshik áriptestik tetikterin qoldanýdyń aıqyn mysaly retinde qarastyrylyp otyr. Jobanyń sátti iske asyrylýy Ortalyq Azııada osyǵan uqsas transshekaralyq ınfraqurylymdyq bastamalardy iske qosýǵa serpin beredi dep kútilip otyr.
Osylaısha, Cholpon-Atada ótken forým Ortalyq Azııa elderiniń óńirlik yntymaqtastyqty tereńdetýge degen umtylysyn rastap, qatysýshylar MJÁ tetikterin odan ári damytýǵa jáne naqty birlesken bastamalardy iske asyrýǵa daıyn ekendikterin bildirdi.